ବ୍ରହ୍ମଗିରି: କୃଷ୍ଣପ୍ରସାଦ-ଚିଲିକା ମଝିରେ ଅଟକିଲା ଯାତ୍ରୀବାହୀ ଭସାପୋଲ । ମଁଏସା ଗାଁ ପାଖ ଚିଲିକା ମଝିରେ ଫସିରହିଛି ଯାତ୍ରୀବାହୀ ଭସାପୋଲ । ୧୦୦ରୁ ଅଧିକ ଯାତ୍ରୀ ଓ ୧୦ଟି ବାଇକ୍ ସହ ୨ଟି ବସ୍ ଫସିଥିବା ସୂଚନା ମିଳିଛି ।
ମଝି ଚିଲିକାରେ ଅଟକିଲା ଭସାପୋଲ
ଚ୍ୟାନେଲରେ ପାଣି କମ ଥିବାରୁ ଏହି ଭଳି ସମସ୍ୟା ଉପୁଜିଛି । ସକାଳ 7ଟା 30 ରୁ ଜହ୍ନିକୁଦା ଅଭିମୁଖେ ଯାତ୍ରା ଆରମ୍ଭ କରିଥିଲା । କିଛି ବାଟ ଗଲା ପରେ ଚ୍ୟାନେଲ୍ ଠାରୁ ବିଚ୍ୟୁତ ହୋଇ ଚିଲିକା ମଝିରେ ଲାଗି ରହିଛି । ବର୍ତ୍ତମାନ ସୁଦ୍ଧା ଫସି ରହିଛି ଯାତ୍ରୀବାହୀ ଭସାପୋଲ । ଗତ ମାସରେ ମଧ୍ୟ ଏଭଳି ଅଘଟଣ ଦେଖିବାକୁ ମିଳିଥିଲା ।
ଏହାପରେ ପ୍ରାୟ ଏକ ଘଣ୍ଟା ପରେ ମଝି ଦରିଆରେ ଅଟକିଥିବା ଯାତ୍ରୀବାହୀ ଭସାପୋଲଟି ଉଦ୍ଧାର କରାଯାଇଛି । ଲୋକେ ସୁରକ୍ଷିତ ଭାବେ ଯାତ୍ରା କରିଛନ୍ତି । CDA କର୍ମଚାରୀ ପହଞ୍ଚି ଦୁଇଟି JCB ସାହାଯ୍ୟରେ ଟ୍ରାକକୁ ଅଣାଯାଇଛି । ଏହା ପରେ ପୁଣି ଗନ୍ତବ୍ୟ ସ୍ଥଳକୁ ବାହାରିଛି ଭସାପୋଲ ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
