ପୁରୀ: ଦୀପାବଳିରେ ବାଣ ବଦଳରେ ଗର୍ଜିଲା ବନ୍ଧୁକ, ଫୁଟିଲା ଗୁଳି । ପୁରୀ ଚନ୍ଦନପୁର ଥାନା ଥେଣ୍ଟପୁରରେ ଗୁଳିକାଣ୍ଡ ଘଟିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ମୃତକ ଜଣଙ୍କ ହେଲେ ଶଙ୍କର ବେହେରା । ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ପୂର୍ବ ଶତ୍ରୁତାରୁ ଏପରି ହୋଇଥିବା ଅନୁମାନ କରାଯାଉଛି ।
ସୂଚନା ଅନୁସାରେ ଗତକାଲି (ସୋମବାର) ଚାରିଆଡେ ଦୀପାବଳି ସେଲିବ୍ରେସନ ଚାଲିଥିଲା । ଦୁର୍ବୃତ୍ତମାନେ ପୁରୀ ଚନ୍ଦନପୁର ଥାନା ଥେଣ୍ଟପୁରରେ ୨ ଜଣଙ୍କ ଉପରକୁ ଗୁଳି ମାଡ଼ କରିଥିଲେ । ଚନ୍ଦନପୁର ଥାନା ଅନ୍ତର୍ଗତ ଥେଣ୍ଟପୁର ଗାଁରେ ଏହି ଗୁଳକାଣ୍ଡ ହୋଇଛି । ଏଥିରେ ଶଙ୍କର ବେହେରା ନାମକ ଜଣେ ବ୍ୟକ୍ତିଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଛି । ଶଙ୍କରଙ୍କ ପେଟରେ ଗୁଳିଟି ବାଜିବାରୁ ସେ ଟଳି ପଡ଼ିଥିଲେ । ଅନ୍ୟଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲ୍ରେ ଭର୍ତ୍ତି କରାଯାଇଛି ।
ଏହା ବି ପଢନ୍ତୁ...ଦୀପାବଳୀରେ ଅଗ୍ନିକାଣ୍ଡ, ଜଳିଗଲା ଲୁଗାଦୋକାନ
ତାଙ୍କ ଆଣ୍ଠୁରେ ଗୁଳି ବାଜିଛି । ପୂର୍ବ ଶତ୍ରୁତାରୁ ଏହି ଗୁଳିମାଡ଼ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି । କାଣ୍ଡ ଘଟାଇ ଦୁର୍ବୃତ୍ତମାନେ ଫେରାର ହୋଇଛନ୍ତି । ପୋଲିସ ସେମାନଙ୍କୁ କାବୁ କରିବାକୁ ଛାନଭିନ ଆରମ୍ଭ କରିଛି । ଏହାସହ ଘଟଣାର ତଦନ୍ତ ଜାରି ରହିଛି ।ଆଲୋକର ପର୍ବ ଦୀପାବଳିରେ କେଉଁଠି ହସଖୁସିର ମାହୋଲ ଦେଖିବାକୁ ମିଳିଥିବା ବେଳେ କେଉଁଠି ଦୁଃଖର ବାତାବରଣ ଦେଖିବାକୁ ମିଳିଛି । କେଉଁଠି ପୂର୍ବ ଶତ୍ରୁତାକୁ ନେଇ ଗୁଳିମାଡ଼ ତ ଆଉ କେଉଁଠି ନିଆଁ ଲାଗି ଧନଜୀବନ ନଷ୍ଟ ହୋଇଛି ।
ଖାଲି ଓଡ଼ିଶା ନୁହେଁ ଦେଶର ବିଭିନ୍ନ ଅଞ୍ଚଳରୁ ଦୀପାବଳି ଦିନ ଅନେକ ଅଘଟଣ ଖବର ସାମ୍ନାକୁ ଆସିଛି । କଟକ ନୟାସଡ଼କର ଓଟିଏମ୍ ଲୁଗା ଦେକାନର ଉପର ମହଲାରେ ଭୟାବହ ଅଗ୍ନିକାଣ୍ଡ ହୋଇଛି । ବାଣ ପଡି ଦୋକାନରେ ନିଆଁ ଲାଗିଥିବା ନେଇ ସନ୍ଦେହ କରାଯାଉଛି ।
ଇଟିଭି ଭାରତ, ପୁରୀ
