ପୁରୀ: ପୁରୀ ଏସପିଙ୍କ ନାମରେ ଫେସବୁକରେ ଫେକ ଆକାଉଣ୍ଟ କରି ଟଙ୍କା ଲୁଟ ଉଦ୍ୟମ । ଅଭିଯୋଗ ପରେ ଗିରଫ ହେଲେ ଯାଜପୁର କୋରେଇ ଅଞ୍ଚଳର ଅଭିଯୁକ୍ତ ଯୁବକ ମନୋଜ ସାହୁ ।
ତେବେ ସୂଚନା ଅନୁଯାୟୀ, ଯୁବକ ଜଣକ ପୁରୀ ଏସପିଙ୍କ ନାମରେ ଫେକ ଫେସବୁକ ଆକାଉଣ୍ଟ କରି ଏସପି କନଓ୍ବର ବିଶାଲ ସିଂହଙ୍କ ଫଟୋ ବ୍ୟବହାର କରିବା ସହ ବିଭିନ୍ନ ବ୍ୟକ୍ତି ବିଶେଷଙ୍କ ଠାରୁ ଟଙ୍କା ଦାବି କରୁଥିଲା । ଘଟଣା ସମ୍ପର୍କରେ ଏକ ଟେଲିଫୋନ କଲ ମାଧ୍ୟମରେ ସୂଚନା ପାଇବା ପରେ ପୁରୀ ସାଇବର କେସ ନମ୍ବର ୨୫ ଆଧାରରେ ଅଭିଯୁକ୍ତକୁ ଗିରଫ କରିବା ସହ କୋର୍ଟ ଫରୱାର୍ଡ କରାଯାଇଛି ।
ତେବେ ଏନେଇ ଟାଉନ ଥାନା ଅଧିକାରୀ ଗୋକୁଳ ରଞ୍ଜନ ଦାସଙ୍କ ନେତୃତ୍ବରେ ଗଠିତ ଟିମ ଯୁବକକୁ ଟ୍ରେସ କରିବା ସହ ତାକୁ ଗିରଫ କରିବାରେ ସଫଳ ହୋଇଥିଲେ । ତେବେ ଫେକ କଲ କିମ୍ବା ମେସେଜ ଆସୁଥିଲେ ଏହାକୁ ତୁରନ୍ତ ବିଶ୍ୱାସ ନକରି ସାଇବର ହେଲ୍ପ ଲାଇନ ନମ୍ବର -6370967100 ରେ ଜଣାଇବାକୁ ଅନୁରୋଧ କରିଛି ପୁରୀ ପୋଲିସ ।
ଇଟିଭି ଭାରତ, ପୁରୀ
