ପୁରୀ: ସେବାୟତ ବେଶରେ ନକଲି ସେବାୟତ ଅଟକ । ସୋମବାର ଚତୁର୍ଦ୍ଧା ବିଗ୍ରହଙ୍କ ନୀଳାଦ୍ରିବିଜେ ବେଶ ସୁରୁଖୁରୁରେ ସମ୍ପନ୍ନ ହୋଇଛି । ତେବେ ମହାପ୍ରଭୁ ଶ୍ରୀଜଗନ୍ନାଥଙ୍କ ପହଣ୍ଡି ସମୟରେ ଜଣେ ସେବାୟତ ବେଶଧାରୀ ନକଲି ସେବାୟତ ଯୁବକ ନନ୍ଦିଘୋଷ ରଥ ଉପରେ ଚଢି ଶ୍ରୀଜଗନ୍ନାଥଙ୍କ ଟାହିଆକୁ ଛିଣ୍ଡାଇବାକୁ ଚେଷ୍ଟା କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ତେବେ ଏହାକୁ ଦଇତାପତି ଓ ଜେଟିପି ବାରଣ କରିବା ସହ ସମ୍ପୃକ୍ତ ଯୁବକଙ୍କୁ ସିଂହଦ୍ୱାର ଥାନାର ଜିମା ଦେଇଥିଲେ । ଥାନାରେ ଯୁବକ ଅଟକ ଥିବା ସହ ଥାନାରେ କ୍ଷମାପ୍ରାର୍ଥନା କରିଥିବା ସୂଚନା ମିଳିଛି । ତେବେ ଘଟଣା ବିଷୟରେ ପୋଲିସ ପଚରା ଉଚରା ଚଲାଇଥିବା ବେଳେ ସ୍ଥାନୀୟ ଅଞ୍ଚଳରେ ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
