ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ମାମଲା, ୟୁଟ୍ୟୁବର ଅନିମେଶ ଚକ୍ରବର୍ତ୍ତୀ ଗିରଫ

ଗତ ବର୍ଷ ଡିସେମ୍ବର ୩ ତାରିଖରେ ୟୁଟ୍ୟୁବରେ ଭାଇରାଲ ହୋଇଥିଲା ଡ୍ରୋନ୍‌ରେ ନିଆଯାଇଥିବା ଶ୍ରୀମନ୍ଦିରର ଭିଡିଓ । ଜଣେ ୟୁଟ୍ୟୁବର ନିଜ ୟୁଟ୍ୟୁବରେ ଭିଡିଓ ଅପଲୋଡ଼ କରି ଭାଇରାଲ କରିଥିବା ପରବର୍ତ୍ତୀ ସମୟରେ ଜଣା ପଡ଼ିଥିଲା । ପୁରୀ ପୋଲିସ ଅଭିଯୁକ୍ତ ୟୁଟ୍ୟୁବରକୁ ଗିରଫ କରିଛି । ଅଧିକ ପଢନ୍ତୁ

ପୁରୀ: ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇ ୟୁଟ୍ୟୁବର ଅନିମେଶ ଚକ୍ରବର୍ତ୍ତୀ ଗିରଫ ହୋଇଛନ୍ତି । କୋଲକାତାରୁ ତାଙ୍କୁ ଗିରଫ କଲା ପୁରୀ ପୋଲିସ । ଶ୍ରୀମନ୍ଦିର ନୀଳଚକ୍ର ଉପରେ ଡ୍ରୋନ ଉଡାଇବା ମାମଲାରେ ଅଭିଯୁକ୍ତ ଥିଲେ ଅନିମେଶ । ଡ୍ରୋନ ଉଡାଇବା ନେଇ ଓଡ଼ିଶା ପୋଲିସକୁ ସ୍ୱତନ୍ତ୍ର ଧନ୍ୟବାଦ ଦେଇଥିଲେ ଅନିମେଶ । ଯାହାକୁ ନେଇ ପୋଲିସର କାର୍ଯ୍ୟାନୁଷ୍ଠାନ ନେଇ ସନ୍ଦେହ ସୃଷ୍ଟି ହୋଇଥିଲା । ପରେ ପୋଲିସ ଡ୍ରୋନ ଉଡାଇବା ନେଇ କୌଣସି ଅନୁମତି ଦେଇନଥିବା ନେଇ ସ୍ପଷ୍ଟ କରିଥିଲା । ତେବେ ଏହି ଘଟଣାରେ ଅନିମେଶକୁ ଗିରଫ କରାଯାଇଥିବା ନେଇ ଟୁଇଟ ଯୋଗେ ସୂଚନା ଦେଇଛି ପୁରୀ ପୋଲିସ ।

• The YouTuber, Accused in drone flying case over Sri Jagannath Temple, who was evading arrest since the incident, has been finally nabbed by special team lead by DSP City, Sri KK Hariprasad, from Barrackpore, West Bengal. pic.twitter.com/lXMLHwsWgf

  — Puri Police (@SPPuri1) January 18, 2023 " class="align-text-top noRightClick twitterSection" data="

  The YouTuber, Accused in drone flying case over Sri Jagannath Temple, who was evading arrest since the incident, has been finally nabbed by special team lead by DSP City, Sri KK Hariprasad, from Barrackpore, West Bengal. pic.twitter.com/lXMLHwsWgf

  — Puri Police (@SPPuri1) January 18, 2023

  ">

  The YouTuber, Accused in drone flying case over Sri Jagannath Temple, who was evading arrest since the incident, has been finally nabbed by special team lead by DSP City, Sri KK Hariprasad, from Barrackpore, West Bengal. pic.twitter.com/lXMLHwsWgf

  — Puri Police (@SPPuri1) January 18, 2023

ଘଟଣାକୁ ନେଇ ଏତଲା ହେବା ପରେ ଡ୍ରୋନ ଉଡାଇଥିବା ୟୁଟ୍ୟୁବର ନିଜ ୟୁଟ୍ଯୁବ ଚ୍ୟାନେଲରେ କ୍ଷମା ପ୍ରାର୍ଥନା ମଧ୍ୟ କରିଥିଲେ । ଏହାକୁ ନେଇ ପୁରୀ ସିଟି DSPଙ୍କ ରିପୋର୍ଟ ଆଧାରରେ ସିଂହଦ୍ଵାର ଥାନାରେ ଏତଲା ରୁଜ୍ଜୁ ହୋଇଥିଲା । ଶ୍ରୀମନ୍ଦିର ଉପରେ ଡ୍ରୋନ ଉଡାଇ ଭିଜୁଆଲ ଭାଇରାଲ କରିବା ପ୍ରସଙ୍ଗରେ ଡିଏସପିଙ୍କ ରିପୋର୍ଟ ଆଧାରରେ ସିଂହଦ୍ୱାର ଥାନାରେ ପୋଲିସ କେସ୍‌ ନମ୍ବର ୧୫୦ରେ ମୋକଦ୍ଦମା ରୁଜ୍ଜୁ କରିଥିଲା ।

ଅଭିଯୁକ୍ତ ଅନିମେଶ ଚୌଧୁରୀ ପଶ୍ଚିମବଙ୍ଗ ଗୁମା ଅଞ୍ଚଳର ବାସିନ୍ଦା ବୋଲି ଜଣା ପଡ଼ିଛି । ଅଭିଯୁକ୍ତକୁ ପୋଲିସ 160 ସିଆରସିପି ଅଧୀନରେ ନୋଟିସ ଦିଆଯାଇଥିଲା । ନୋଟିସ ଅନୁଯାୟୀ ଜେରା ପାଇଁ ସିଂହଦ୍ଵାର ଥାନାରେ ହାଜର ହେବା ପାଇଁ ନିର୍ଦ୍ଦେଶ ଦିଆଯାଇଥିଲା । ଏହାସହ ପୁରା ଘଟଣାର ତଦନ୍ତ ପାଇଁ ତିନିଜଣ ଅଧିକାରୀଙ୍କୁ ନେଇ ଟିମ୍‌ ଗଠନ କରାଯାଇଥିଲା । ଯାହାର ନେତୃତ୍ବ ପୁରୀ ସିଟି DSPଙ୍କୁ ଦିଆଯାଇଥିଲା ।

ସମ୍ବେଦନଶୀଳ ପ୍ରସଙ୍ଗ ହେଉଛି ଅଭିଯୁକ୍ତ ଅନିମେଶ ୟୁନିଫାଏଡ ନାମକ ନିଜ ୟୁଟ୍ଯୁବ ଚ୍ୟାନେଲ ରେ ଶ୍ରୀମନ୍ଦିର ଡ୍ରୋନ ଭିଜୁଆଲ ଅପଲୋଡ଼ କରିଥିଲେ । ଭିଜୁଆଲ ପାଇଁ କେହି ତାକୁ ଯୋଗାଯୋଗ କଲେ ଗୋଟିଏ ଗୋଟିଏ ଆଙ୍ଗେଲ ଫୁଟେଜ ପିଛା କୋଡିଏ ହଜାର ଟଙ୍କା ଦାବି କରିଥିଲେ । ଯାହାକୁ ନେଇ ଶ୍ରୀମନ୍ଦିର ସୁରକ୍ଷା ପ୍ରତି ପ୍ରଶ୍ନ ଉଠିବା ସହ ଭକ୍ତଙ୍କ ମଧ୍ୟରେ ଅସନ୍ତୋଷ ବଢିବାରେ ଲାଗିଥିଲା ।

ଗତ ବର୍ଷ ଡିସେମ୍ବର ୩ ତାରିଖରେ ଶ୍ରୀମନ୍ଦିର ଉପରେ ଏକ ଡ୍ରୋନ୍‌ ଉଡ଼ିଥିବା ନଜର ଆସିଥିଲା । ୟୁଟ୍ୟୁବରେ ଭାଇରାଲ ହୋଇଥିଲା ଡ୍ରୋନ୍‌ରେ ନିଆଯାଇଥିବା ଶ୍ରୀମନ୍ଦିରର ଭିଡିଓ । ଜଣେ ୟୁଟ୍ୟୁବର ନିଜ ୟୁଟ୍ୟୁବରେ ଭିଡିଓ ଅପଲୋଡ଼ କରି ଭାଇରାଲ କରିଥିବା ପରବର୍ତ୍ତୀ ସମୟରେ ଜଣା ପଡ଼ିଥିଲା । ଏହି ଭିଡିଓ ଭାଇରାଲ ହେବାପରେ ପୁଣି ଶ୍ରୀମନ୍ଦିର ସୁରକ୍ଷା ବ୍ୟବସ୍ଥା ନେଇ ପ୍ରଶ୍ନବାଚୀ ସୃଷ୍ଟି ହୋଇଥିଲା । ୟୁନିଫାଏଡ୍ ନାମକ ଏକ ୟୁଟ୍ୟୁବ ଚ୍ୟାନେଲରେ ଶ୍ରୀମନ୍ଦିରର ଡ୍ରୋନ ସଟ୍ ଭିଡିଓ ଅପଲୋଡ଼ ହୋଇଥିଲା ।

ଭିଡିଓର ପ୍ରତି ଆଙ୍ଗେଲ୍ ପିଛା ୨୦ ହଜାର ଟଙ୍କା ସମ୍ପୃକ୍ତ ୟୁଟ୍ୟୁବର ଦାବି କରୁଥିବା ନେଇ ସୋସିଆଲ ମିଡିଆରେ ଚାଟ୍‌ ମଧ୍ୟ ଭାଇରାଲ ହୋଇଥିଲା ।‌ ତେବେ ଶ୍ରୀମନ୍ଦିରର ସୁରକ୍ଷା ବ୍ୟବସ୍ଥାରେ ମାଳମାଳ ପୋଲିସ ଅଧିକାରୀ ଥିବାବେଳେ ସୁରକ୍ଷା ବ୍ୟବସ୍ଥା ପ୍ରତି ଦୃଷ୍ଟି ନ ଦେବା ଭକ୍ତ ଓ ସେବାୟତ ମହଲରେ ଅସନ୍ତୋଷ ସୃଷ୍ଟି ହୋଇଥିଲା । ଏହାକୁ ଗୁରୁତ୍ବର ସହ ନେଇ ପୁରୀ ପୋଲିସ ଅଭିଯୁକ୍ତ ୟୁଟ୍ୟୁବରକୁ ଗିରଫ କରିଛି ।

ଇଟିଭି ଭାରତ, ପୁରୀ