ପୁରୀ: ଗୋପ-ଚାରିଛକ ରାସ୍ତାର ଗୋପ ବଜାର ନିକଟରେ ଯାତ୍ରୀବାହୀ ବସରେ ଅଭାବନୀୟ ଘଟଣା । ଚଳନ୍ତା ବସ ଷ୍ଟିୟରିଂ ଉପରେ ଡ୍ରାଇଭରଙ୍କ ମୃତ୍ୟୁ ଘଟିିଥିବା ବେଳେ କଣ୍ଡକ୍ଟରଙ୍କ ଉପସ୍ଥିତ ବୁଦ୍ଧି ପାଇଁ 49ରୁ ଊର୍ଦ୍ଧ୍ବ ଯାତ୍ରୀଙ୍କ ଜୀବନ ବଞ୍ଚିଗଲା । ଯାତ୍ରୀବାହୀ ବସଟି କଟକ ଅଭିମୁଖେ ଯାଉଥିବା ସମୟରେ ବସ୍ ଡ୍ରାଇଭର ସୁଦର୍ଶନ ସାହୁଙ୍କ ହଠାତ ହୃଦଘାତ ହେବାରୁ ସେ ଟଳି ପଡିଥିଲେ । ଗାଡି ଚାଲିଥିବା ବେଳେ କଣ୍ଡକ୍ଟରଙ୍କ ନଜର ପଡିଯିବାରୁ ଯାତ୍ରୀଙ୍କ ସାହାଯ୍ୟରେ ଡ୍ରାଇଭର ସୁଦର୍ଶନ ସାହୁଙ୍କୁ ସିଟରୁ ବାହାର କରି ଗାଡିଟିକୁ ଛିଡା କରିଥିଲେ ।
ଯାତ୍ରୀବାହୀ ବସଟି କଟକ ଅଭିମୁଖେ ଯାଉଥିବା ସମୟରେ ଏଭଳି ଘଟଣା ଘଟିଛି । ପରେ ଡ୍ରାଇଭରଙ୍କୁ ଗୋପ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ମଧ୍ୟ ଡାକ୍ତର, ଡ୍ରାଇଭରର ମୃତ୍ୟୁ ହୋଇଥିବା ଘୋଷଣା କରିଥିଲେ । ଯାତ୍ରୀ ଓ କଣ୍ଡକ୍ଟରଙ୍କ କହିବା କଥା ଆମେ ଗପସପ କରି ଆସୁଥିଲୁ । ଗୋପ ବଜାରରେ ଡ୍ରାଇଭର ଚା’ ପିଇବା ପରେ ଗାଡି ବାହାରିବାର ଦୁଇଶହ ମିଟର ଯିବାପରେ ଏଭଳି ଘଟଣା ଘଟିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
