ବ୍ରହ୍ମଗିରି : 2ଟି ବାଇକକୁ ପିଟିଲା ବସ, 3 ଗୁରୁତର। ପୁରୀ ସାତପଡ଼ା ଜାତୀୟ ରାଜ ପଥରେ ଏକ ଭୟାନକ ଦୁର୍ଘଟଣା ହୋଇଛି। ଯାତ୍ରୀବାହୀ ବସ ଧକ୍କାରେ 3 ଜଣ ଗୁରୁତର ଆହତ ହୋଇଥିବା ବେଳେ ଜଣଙ୍କର ଗୋଡ ଶରୀରରୁ ଅଲଗା ହୋଇଯାଇଛି ।
ବ୍ରହ୍ମଗିରି ଠାରୁ ପୁରୀ ଅଭିମୁଖେ ଦେବୀ ନାମକ ଯାତ୍ରୀଵାହି ବସ ଯାଉଥିବା ବେଳେ କେରାଣ୍ଡିଆ ଛକ ଠାରେ ଭାରସାମ୍ୟ ହରାଇ 2ଟି ମୋଟର ସାଇକେଲକୁ ଧକ୍କା ଦେଇଥିଲା। ଘଟଣା ସ୍ଥଳରେ ଜଣଙ୍କର ଗୋଟାଏ ଗୋଡ଼ ଶରୀର ଠାରୁ ସମ୍ପୂର୍ଣ ଅଲଗା ହୋଇଯାଇଛି ଓ ଅନ୍ୟ 2ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା କିନ୍ତୁ ସେମାନଙ୍କ ଅବସ୍ଥା ଗୁରୁତର ହେବାରୁ ଭୁବନେଶ୍ବର ଘରୋଇ ହସ୍ପିଟାଲଙ୍କୁ ସ୍ଥାନାନ୍ତର କରାଯାଇଛି।
ଗୁରୁତର ଆହତ ହୋଇଥିବା କାଶୀଆ ଗ୍ରାମର ସମୀର ଜେନା ଓ ଅନ୍ୟ 2 ଜଣଙ୍କର ପରିଚୟ ମିଳି ନାହିଁ। ଏଥିରେ ଉତ୍ୟକ୍ତ ହୋଇ ଶତାଧିକ ସ୍ଥାନୀୟ ଯୁବକ ବ୍ରହ୍ମଗିରି ଗୋପ ଛକ ଓ ବ୍ୟାଙ୍କ ଛକ ଠାରେ ଟାୟାର ଜାଳି ଦୀର୍ଘ ସମୟ ରାଜରାସ୍ତା ଅବରୋଧ କରିଥିଲେ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
