ପୁରୀ: ପୁରୀ ପୋଲିସକୁ ଆଉ ଏକ ବଡ଼ ସଫଳତା । ଏସଟିଏଫ ଓ ବାସେଳୀ ସାହି ଥାନା ପୋଲିସ ଦ୍ୱାରା ୧୨୦ ଗ୍ରାମ ବ୍ରାଉନସୁଗାର ଜବତ । ଲୋକନାଥ ରୋଡ଼ ଜଙ୍ଗଲ ନିକଟରୁ ୫ ବ୍ରାଉନସୁଗାର ବେପାରୀଙ୍କୁ ବାସେଳୀ ସାହି ଥାନା ପୋଲିସ ଗିରଫ କରିଛି । ଏହାସହ ୪୦୦୦ ଟଙ୍କା, ୪ଟି ମୋବାଇଲ, ଦୁଇଟି ବାଇକ ଜବତ କରାଯାଇଛି ।
Brown Sugar Peddler Arrest: ପୁରୀ ପୋଲିସ ହାତରେ ୫ ବ୍ରାଉନ ସୁଗାର ବ୍ୟବସାୟୀ
ବ୍ରାଉନସୁଗାର କାରବାରର ମୁଖ୍ୟ କିଙ୍ଗପିନ ହେଉଛି ଖୋର୍ଦ୍ଧା ଦଳେଇପୁଟ ପ୍ରଦୀପ କୁମାର ବେହେରା । ପ୍ରଦୀପ ନିଜ ସହଯୋଗୀ କାଳନ୍ଦୀ ବେହେରା, ନିତ୍ୟାନନ୍ଦ ବିଶ୍ୱାଳ ସମେତ ପୁରୀର ରାଜେଶ ପ୍ରଧାନ ଓ ପ୍ରଶାନ୍ତ ବେହେରା ସହ ମିଶି ଏହି ବ୍ରାଉନସୁଗାର କାରବାର କରୁଥିଲା । ପୁରୀ ଜିଲ୍ଲାକୁ ନିଶାମୁକ୍ତ କରିବା ପାଇଁ ଏସପି କେ.ବିଶାଲ ସିଂଙ୍କ ନେତୃତ୍ୱରେ ଏହି ଚଢ଼ାଉ ଜାରି ରହିବ ବୋଲି ସିଟି ଡ଼ିଏସପି କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
