ବ୍ରହ୍ମଗିରି: ଦୀର୍ଘ 9 ମାସ ଅପେକ୍ଷାର ଘଟିଲା ଅନ୍ତ । ଭକ୍ତ ଓ ଭଗବାନ ଭିତରେ ହେବ ମିଳନ । କୋଭିଡ କଟକଣା ଯୋଗୁଁ ସମସ୍ତ ଧର୍ମାନୁଷ୍ଠାନ ବନ୍ଦ ଥିଲା । ଏବେ କିନ୍ତୁ କୋଭିଡ ନିୟମ କୋହଳ ହେବା ପରେ ଧିରେ ଧରେ ରାଜ୍ୟ ସରକାର ସମସ୍ତ ଧର୍ମାନୁଷ୍ଠାନ ଖୋଲିବା ପାଇଁ ରାଜ୍ୟର ସମସ୍ତ ଜିଲ୍ଲାପାଳଙ୍କ ସହ ଆଲୋଚନା କରିଛନ୍ତି । ତେବେ ପୁରୀ ଶ୍ରୀମନ୍ଦିର ଖୋଲିବା ପରେ ପ୍ରସିଦ୍ଧ ମନ୍ଦିର ମଧ୍ୟ ଖୋଲିବାକୁ ନିଷ୍ପତ୍ତି ନିଆଯାଇଛି । ଏହାରି ଭିତରେ ପୁରୀ ବ୍ରହ୍ମଗିରିର ଅଲାରନାଥ ମନ୍ଦିର ଓ ମାଆ ବାଲି ହରଚଣ୍ଡୀ ମନ୍ଦିର ସର୍ବସାଧାରଣ ପାଇଁ ଖୋଲାଯାଇଛି ।
ଭକ୍ତ ଭଗବାନଙ୍କ ଦର୍ଶନ ପାଇଁ ଛଟପଟ ହେଉଥିବା ବେଳେ ସେପଟେ ଭଗବାନ ମଧ୍ୟ ଭକ୍ତଙ୍କୁ ଦେଖିବା ପାଇଁ ଚାତକ ପରି ଅନାଇ ରହିଥିଲେ । ପୁରୀର ଜଗନ୍ନାଥ ମନ୍ଦିର କେବଳ ସେବାୟତମାନଙ୍କ ପାଇଁ ଖୋଲିଥିବା ବେଳେ ବ୍ରହ୍ମଗିରିର ଅଲାରନାଥ ମନ୍ଦିର ଓ ମାଆ ବାଲି ହରଚଣ୍ଡୀ ମନ୍ଦିର ସର୍ବସାଧାରଣ ପାଇଁ ଖୋଲାଯାଇଛି । ତେବେ କୋରୋନା ଗାଇଡ ଲାଇନ ଅନୁଯାୟୀ ଭକ୍ତମାନେ ଭଗବାନକୁ ଦର୍ଶନ କରୁଛନ୍ତି ଏବଂ ଏତେ ଦିନ ପରେ ମନ୍ଦିର ଯାଇ ବହୁତ ଖୁସି ଅଛନ୍ତି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
