ପୁରୀ:ଡେଲାଙ୍ଗ ବସନ୍ତପୁର 16 ନମ୍ଵର ବୁଥରେ ଭୋଟ କାର୍ଯ୍ୟ ବାଧାପ୍ରାପ୍ତ ହୋଇଥିଲା । ଦଳୀୟ ଚିହ୍ନରେ ଭୋଟ ଦେବା ପାଇଁ ଦାୟିତ୍ଵରେ ଥିବା ପ୍ରିଜାଇଡିଂ ଅଫିସର ଭୋଟର ମାନଙ୍କୁ ପ୍ରବର୍ତ୍ତାଇବା ଅଭିଯୋଗରେ ମତଦାନ ବନ୍ଦ କରିଥିଲେ ଗ୍ରାମବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ସୂଚନାନୁସାରେ, ଜଣେ ଭୋଟଙ୍କୁ ଏକ ନିର୍ଦ୍ଦିଷ୍ଟ ଦଳୀୟ ଚିହ୍ନରେ ଭୋଟ ଦେବା ପାଇଁ ପ୍ରିଜାଇଡିଂ ଅଫିସର କହୁଥିବାର ଅଭିଯୋଗରେ ଦୀର୍ଘ 2 ଘଣ୍ଟା ବନ୍ଦ ଥିଲା ମତଦାନ । ଖବରପାଇ ଘଟଣାସ୍ଥଳରେ ଡେଲାଙ୍ଗ ବିଡିଓ କ୍ଷୀରୋଦ ପ୍ରଧାନ ପହଞ୍ଚି ଭୋଟରମାନଙ୍କୁ ବୁଝାସୁଝା କରିଥିଲେ । ଏଥି ସହିତ ପ୍ରିଜାଇଡିଂ ଅଫିସରଙ୍କର ଏଭଳି ଆଚରଣ ପାଇଁ ସର୍ବ ସାଧାରଣରେ ଦୁଃଖ ପ୍ରକାଶ କରି କ୍ଷମା ମାଗିବା ପରେ ମତଦାନ ଆରମ୍ଭ ହୋଇଥିଲା ।
ପୁରୀରୁ ଶକ୍ତିପ୍ରସାଦ ମିଶ୍ର
