ପୁରୀ: ଜିଲ୍ଲାରେ ବ୍ଲୁ ଫ୍ଲାଗ ବିଚରେ ଦିବ୍ୟାଙ୍ଗମାନଙ୍କ ପାଇଁ ପ୍ରସ୍ତୁତ ହେଲା ସ୍ୱତନ୍ତ୍ର ବ୍ୟବସ୍ଥା । କିପରି ଦିବ୍ୟାଙ୍ଗମାନେ ସମୁଦ୍ରକୂଳ ପର୍ଯ୍ୟନ୍ତ ଯାଇ ପ୍ରାକୃତିକୁ ଉପଭୋଗ କରିପାରିବେ ସେଥିପାଇଁ ବ୍ୟବସ୍ଥା କରାଯାଇଛି ।
ପୂର୍ବରୁ ହ୍ୱିଲ ଚେୟାରରେ ବସି ବାଲିରେ ବେଳାଭୂମିରେ ବୁଲିବା କଷ୍ଟକର ହେଉଥିବା ବେଳେ ସେମାନଙ୍କ ପାଇଁ ବର୍ତ୍ତମାନ ସ୍ୱତନ୍ତ୍ର ମ୍ୟାଟ ପକାଯାଇ ନିର୍ଦ୍ଦିଷ୍ଟ ପଥ ବ୍ୟବସ୍ଥା କରାଯାଇଛି । ଏହାଦ୍ୱାରା ହ୍ୱିଲ ଚେୟାରରେ ବସି ଦିବ୍ୟାଙ୍ଗମାନେ ବେଳାଭୂମିରେ ବୁଲିପାରିବେ । ବ୍ଲୁ ଫ୍ଲାଗ ବିଚରେ ଯେମିତି ସବୁ ବର୍ଗ ସାମିଲ ହୋଇ ପାରିବେ ଏଥିପାଇଁ ଧ୍ୟାନ ଦିଆଯାଇ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।
ପୂର୍ବରୁ ଦିବ୍ୟାଙ୍ଗଙ୍କ ପାଇଁ ବ୍ୟବସ୍ଥା କରିବାକୁ ମତାମତ ପ୍ରକାଶ ପାଇବା ପରେ ପ୍ରଶାସନ ପକ୍ଷରୁ ଏଭଳି ପଦକ୍ଷେପ ଗ୍ରହଣ କରାଯାଇଛି । କୋରୋନା କଟକଣା କୋହଳ ହେବା ପରେ ଗତ ୯ ତାରିଖରୁ ପର୍ଯ୍ୟଟକମାନଙ୍କ ପାଇଁ ବ୍ଲୁ ଫ୍ଲାଗ ବିଚ ଖୋଲାଯାଇଛି । ଜିଲ୍ଲାପାଳ ସମର୍ଥ ବର୍ମା ବିଚ୍ ବୁଲି ବ୍ୟବସ୍ଥା ପରଖିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
