ପୁରୀ: ପୁରୀ ପୋଲିସ ପକ୍ଷରୁ ଏକ ମେଗା ରକ୍ତଦାନ ଶିବିର ସ୍ଥାନୀୟ ବଳଗଣ୍ଡି ଉଚ୍ଚ ବିଦ୍ୟାଳୟରେ ଅନୁଷ୍ଠିତ ହୋଇଯାଇଛି । ଏହି ଶିବିରରେ ଜିଲ୍ଲା ପୋଲିସ ମୁଖ୍ୟ ଏସପି କେ ବିଶାଳ ସିଂ ମୁଖ୍ୟ ଅତିଥି ଭାବେ ଯୋଗ ଦେଇ ରକ୍ତଦାନ ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ପୁରୀ ଜିଲ୍ଲାର ବିଭିନ୍ନ ପୋଲିସ କର୍ମଚାରୀ ଏବଂ ପୋଲିସ ଅଧିକାରୀମାନେ ସ୍ୱଚ୍ଛାକୃତ ଭାବେ ରକ୍ତଦାନ କରିଥିଲେ ।
ପୁରୀ ପୋଲିସ ପକ୍ଷରୁ ରକ୍ତ ଦାନ ଶିବିର
ଏହି ରକ୍ତଦାନ ଶିବିରରେ କିଛି ସ୍ୱଚ୍ଛାସେବୀ ଦଳ ରକ୍ତଦାନ କରିଥିଲେ । ତେବେ ଏହି ମହାମାରୀ ସମୟରେ ଯେଭଳି କୌଣସି ଜନସାଧାରଣଙ୍କ ରକ୍ତ ଅଭାବରୁ ମୃତ୍ୟୁ ନଘଟେ ସେଥିପ୍ରତି ପୁରୀ ପୋଲିସର ଏହି ଛୋଟିଆ ପ୍ରୟାସ । ପୁରୀ ଜିଲ୍ଲାରେ ରକ୍ତଭାବ ଦୂର କରିବା ପାଇଁ ପୁରୀ ପୋଲିସ ପକ୍ଷରୁ ଏହା ନୂତନ ପଦକ୍ଷେପ । ପ୍ରତି ମାସରେ ପୋଲିସ ପ୍ରଶାସନ ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ ହେବା ନେଇ ପୁରୀ ଏସପି ସୂଚନା ଦେଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
