ପୁରୀ: ଆଇନ ଶୃଙ୍କଳା ବ୍ୟବସ୍ଥାକୁ ସମ୍ପୂର୍ଣ୍ଣ ଅଣଦେଖା । ମାନୁନାହାଁନ୍ତି ଯୁବକ । ସହରରେ ଥମିବାରେ ନାଁ ନେଉନାହିଁ ଫାଙ୍କା ଗୁଳିଚାଳନା ଘଟଣା । ପୁନର୍ବାର ଭାଇରାଲ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି ଫାଙ୍କା ଗୁଳିଚାଳନା ଭିଡ଼ିଓ । ଦୁଇ ଜଣ ଯୁବକ ତିନି ରାଉଣ୍ଡ ଗୁଳି ଚଳାଇବା ସ୍ପଷ୍ଟ ଭାବେ ଭିଡ଼ିଓରେ ଦେଖିବାକୁ ମିଳିଛି ।
ଯୁବକ ଦୁଇ ଜଣ କିଏ ଓ କେଉଁଠାରେ ଏହି ଫାଙ୍କା ଗୁଳି ଚାଳନା କରୁଛନ୍ତି ସେ ନେଇ କିଛି ସ୍ପଷ୍ଟ ହୋଇ ନାହିଁ । ତେବେ ଏହି ଘଟଣାକୁ ନେଇ ଏବେ ପୁରୀ ସହରରେ ଆଇନ ଶୃଙ୍ଖଳା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ଖୁଲମଖୁଲା ବନ୍ଧୁକ ଧରି ଅପରାଧି ମାନେ ବୁଲୁ ଥିବା ସ୍ପଷ୍ଟ ହୋଇଛି । କେଉଁ ମୁହୂର୍ତ୍ତରେ କେଉଁ ଅଘଟଣ ଘଟିବ ସେନେଇ ଆଶା ଆଶଙ୍କାରେ ସହରବାସୀ ।
ପୁରୀ ପୋଲିସ କିଭଳି ଚୋରା ବନ୍ଧୁକ କାରବାରର ଟେର ପାଉ ନାହିଁ ତାହା ବର୍ତ୍ତମାନ ବଡ଼ ପ୍ରଶ୍ନ । କିଛି ଦିନ ତଳେ ଜଣେ ବ୍ୟବସାୟୀ ଓ ତାଙ୍କର ଅଙ୍ଗରକ୍ଷୀ ମଞ୍ଚ ଉପରେ ଏକ କାର୍ଯ୍ୟକ୍ରମରେ ଫାଙ୍କା ଗୁଳି ଚାଳନା କରିଥିବା ଭିଡିଓ ଭାଇରଲ ହୋଇଥିଲା । ପରେ ପୋଲିସ ଘଟଣାରେ ସଂପୃକ୍ତ ଥିବା 4 ଜଣ ଙ୍କୁ ଗିରଫ କରିଛି । କିନ୍ତୁ ଏହି ତେବେ ଏହି ଘଟଣାକୁ 24 ଘଣ୍ଟା ନପୁରୁଣୁ ପୁଣି ଗୁଳିଚାଳନାର ଭିଡିଓ ଭାଇରାଲ ହେବା ଚାଞ୍ଚଲ୍ୟ ସୃଷ୍ଟି କରିଛି । ଅଭିଯୁକ୍ତ ମାନଙ୍କୁ ପୋଲିସ ତୁରନ୍ତ ଗିରଫ କରିବାକୁ ବିଭିନ୍ନ ମହଲରେ ଦାବି ମଧ୍ୟ ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
