ପୁରୀ : ବିଜେପି ମହିଳା ମୋର୍ଚ୍ଚା ରାଜ୍ୟ ସମ୍ପାଦିକା ରଶ୍ମି ରେଖା ଦାଶଙ୍କୁ ପିପିଲିର ସହଜ ପୁରରେ ଆକ୍ରମଣ ଅଭିଯୋଗ ହୋଇଛି । ଏନେଇ ପିପିଲି ଥାନାରେ ଅଭିଯୋଗ କରିବା ସହ ପିପିଲି ଥାନା ସମ୍ମୁଖରେ ବିଜେପିର ଶତାଧିକ କର୍ମୀ ପ୍ରତିବାଦ କରିଛନ୍ତି । ପିପିଲି ସହଜପୁର ଗ୍ରାମ ପଞ୍ଚାୟତର ରାୟଗୁରପୁର ଗ୍ରାମରେ ପ୍ରଚାର ବେଳେ ସ୍ଥାନୀୟ ଅଞ୍ଚଳର ବିଜେପି ନେତା ସରୋଜ ସେଠୀ ଓ ରାଜ୍ୟ ସମ୍ପାଦିକା ରଶ୍ମିରେଖା ଦାଶଙ୍କୁ ଆକ୍ରମଣ ହୋଇଥିବା ଅଭିଯୋଗ ହୋଇଛି ।
ବିଜେପି ରାଜ୍ୟ ସମ୍ପାଦିକାଙ୍କୁ ବିଜେଡି କର୍ମୀଙ୍କ ଆକ୍ରମଣ ଅଭିଯୋଗ
ଦ୍ଵାର ଦ୍ୱାର ବୁଲି ପ୍ରଚାର କରୁଥିବା ସମୟରେ ବିଜେଡି କର୍ମୀମାନେ ଆକ୍ରମଣ କରିଥିବା ଅଭିଯୋଗ କରିଛି ବିଜେପି । ତେବେ ତୁରନ୍ତ ଅଭିଯୁକ୍ତକୁ ଗିରଫ କରାନଗଲେ ବିଜେପି ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି । ପୂର୍ବରୁ କିଛି ଦିନ ତଳେ ସେହି ସହଜପୁର ଗ୍ରାମ 2 ତାରିଖରେ ବିଜେପି ପ୍ରଚାର ସମୟରେ ବିଜେପି କର୍ମୀଙ୍କୁ ମାଡ଼ ମରାଯାଇଥିବା ଅଭିଯୋଗରେ ବିଜେପି ଥାନା ଘେରାଉ କରିଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
