ପୁରୀ: ପିପିଲି ଉପନିର୍ବାଚନରେ ଚାଲିଛି ମତଗଣନା। ସକାଳେ ଭୋଟ ଗଣନା ଆରମ୍ଭରୁ ଆଗୁଆ ରହିଛନ୍ତି ସ୍ବର୍ଗତ ପ୍ରଦୀପ ମହାରଥୀଙ୍କ ପୁଅ ପିପିଲିର ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ । ଭୋଟ ଗଣନା ଜାରି ରହିଥିବାବେଳେ ପ୍ରତିକ୍ରିୟା ରଖିଛନ୍ତି ରୁଦ୍ର ପ୍ରତାପ ମହାରଥୀ ।
ପିପିଲିବାସୀଙ୍କ ସେବା ଓ ବିକାଶ ମୋର ଲକ୍ଷ୍ୟ
ପିପିଲି ଉପନିର୍ବାଚନରେ ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ନିଜର ପ୍ରତିଦ୍ବନ୍ଦୀ ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକଙ୍କ ଠାରୁ ବିପୁଳ ଭୋଟରେ ଆଗୁଆ ରହିଛନ୍ତି । ଏଣୁ ତାଙ୍କର ବିଜୟ ସୁନିଶ୍ଚିତ ବୋଲି ଜଣାପଡିଛି। ତେବେ ରୁଦ୍ର ପିପିଲି ଡେଲାଙ୍ଗବାସୀଙ୍କୁ ଅଶେଷ ଧନ୍ୟବାଦ ଦେଇଛନ୍ତି । ତାଙ୍କୁ ସ୍ନେହ ଭଲ ପାଇବା ଦେଇଥିବାରୁ ସେ ବହୁତ ଖୁସି ଥିବା କହିଛନ୍ତି। ରୁଦ୍ର କହିଛନ୍ତି ସେ ବିଧାୟକ ହେଲେ କି ନହେଲେ ତାଙ୍କର କିଛି ଯାଏ ଆସେ ନାହିଁ । ତାଙ୍କର ଲକ୍ଷ୍ୟ କେଵଳ ପିପିଲିବାସୀଙ୍କ ସେବା ଓ ବିକାଶ ।
