ପୁରୀ: କୋରୋନା କଟକଣା ଭିତରେ ଆରମ୍ଭ ହୋଇଛି ରଥଟଣା । ପ୍ରଥମେ ଆରମ୍ଭ ହୋଇଛି ବଡଠାକୁର ପ୍ରଭୁ ଶ୍ରୀବଳଭଦ୍ରଙ୍କ ତାଳଧ୍ବଜ ରଥଟଣା । ତାଳଧ୍ବଜକୁ ଟାଣି ନେଉଠନ୍ତି ସେବାୟତ । ଆଜି ନବଦିନାତ୍ମକ ରହଣି ପରେ ଜନ୍ମବେଦୀରୁ ରତ୍ନ ବେଦୀକୁ ବାହୁଡୁଛନ୍ତି ଚତୁର୍ଦ୍ଧାମୂର୍ତ୍ତି ।
ରଥଟଣା ଆରମ୍ଭ, ବଡ ଦେଉଳ ଅଭିମୁଖେ ବଳଭଦ୍ର
ବାହୁଡା ଯାତ୍ରାରେ ନୀତି ନିର୍ଘଣ୍ଟ ପୂର୍ବକ ଆରମ୍ଭ ହୋଇଥିଲା ସମସ୍ତ ନୀତିକାନ୍ତି । ଘୋର ଘର୍ଘର ନାଦ କରି ବଡ ଦେଉଳ ଅଭିମୁଖେ ବଡ ଠାକୁର ବଳିଆରଭୂଜ । ସମୟ ପୂର୍ବରୁ ବଡ ଠାକୁର ଶ୍ରୀବଳଭଦ୍ରଙ୍କ ରଥ ତାଳଧ୍ବଜ ରଥ ପ୍ରଥମେ ଟଣାହେଉଅଛି ।
ଏଠାରେ ସୂଚନା ଯୋଗ୍ୟ ଯେ, ବାହୁଡା ଯାତ୍ରା ନିମନ୍ତେ ସମଗ୍ର ସହରରେ କର୍ଫ୍ୟୁ ଲଗିଛି । ମଙ୍ଗଳବାର ରାତିରୁ ଗୁରୁବାର ରାତି 10ଟା ପର୍ଯ୍ୟନ୍ତ କର୍ଫ୍ୟୁ ବଳବତ୍ତର ରହିବ । ପୂର୍ବବଳି ସେବାୟତ ରଥ ଟଣାରେ ନିୟୋଜିତ ରହିବେ । କଡା ସୁରକ୍ଷା ବଳୟରେ ସମଗ୍ର ସହର ରହିବ ।
ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ
