ପୁରୀ: ପିପିଲି ଉପନିର୍ବାଚନ ପାଇଁ ବାଜିଲା ବିଗୁଲ୍ । ନାମାଙ୍କନ ପତ୍ର ଦାଖଲ ପାଇଁ ବାହାରିଛନ୍ତି ବିଜେପି ପ୍ରାର୍ଥୀ ଆଶ୍ରିତ ପଟ୍ଟନାୟକ । ଚର୍ଚ୍ଚାରେ ଥିବା ପିପିଲି ଉପନିର୍ବାଚନ ନେଇ ରାଜନୈତିକ ଉଷ୍ମତା ଦେଖାଦେଇଛି । ଗୁରୁବାର ବିଜେପି ପକ୍ଷରୁ ପ୍ରାର୍ଥୀ ଘୋଷଣା ପରେ ପୁରୀ ଜିଲ୍ଲା ସଭାପତି ଆଶ୍ରିତ ପଟ୍ଟନାୟକ ଆଜି ସମର୍ଥକ ମାନଙ୍କୁ ଧରି ନାମାଙ୍କନ ପତ୍ର ଦାଖଲ କରିବାକୁ ପୁରୀ ଅଭିମୁଖେ ଯାତ୍ରା କରିଛନ୍ତି ।
ନାମାଙ୍କନ ଦାଖଲ ପାଇଁ ବାହାରିଲେ ଆଶ୍ରିତ ପଟ୍ଟନାୟକ
ଚଳିତ ନିର୍ବାଚନରେ ପିପିଲି ଓ ଡେଲାଙ୍ଗ ଅଞ୍ଚଳରେ ପରିବର୍ତ୍ତନ ସ୍ରୋତରେ ପିପିଲି ନିର୍ବାଚନ ମଣ୍ଡଳୀ ଦଖଲ କରିବାର ଆଶା ରଖିଛନ୍ତି ଆଶ୍ରିତ ପଟ୍ଟନାୟକ । ସେହିପରି ପିପିଲିର ବିକାଶ ଦିଗରେ କୌଣସି ଆଖିଦୃଶିଆ କାର୍ଯ୍ୟ ହୋଇ ନ ଥିବା ବେଳେ ବିକାଶ ଓ ମୋଦି ସରକାରଙ୍କ ଜନ କଲ୍ୟାଣକାରୀ ଯୋଜନାକୁ ମୁଦ୍ଦା କରି ବିଜେପି ନିର୍ବାଚନ ଲଢ଼ିବ ବୋଲି ଆଶ୍ରିତ କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
