ପୁରୀ: ଶ୍ରୀକ୍ଷେତ୍ର ଗସ୍ତରେ ଆସିଥିବା ଆମିକସ କ୍ୟୁରି ରଣଜିତ କୁମାର ଶନିବାର ଶଙ୍କରାଚାର୍ଯ୍ୟଙ୍କୁ ଭେଟିଛନ୍ତି । ଶ୍ରୀମନ୍ଦିରରେ କିଭଳି ସଂସ୍କାର ବ୍ୟବସ୍ଥା ସଠିକ ହୋଇ ପାରିବ ଏନେଇ ଶଙ୍କରାଚାର୍ଯ୍ୟଙ୍କ ସହ ଆଲୋଚନା କରିଛନ୍ତି ସେ।
ପୁରୀ ସହରକୁ ବିଶ୍ୱ ଐତିହ ନଗରୀ କରାଯାଇ ପାରିବ ସେ ନେଇ ମଧ୍ୟ ଆଲୋଚନା ହୋଇଛି । ତେବେ ଶ୍ରୀକ୍ଷେତ୍ରକୁ ଅଧ୍ୟାତ୍ମିକ ବ୍ୟବସ୍ଥାରେ ବିକାଶ କରାଯାଉ ବୋଲି ଆଲୋଚନାରେ ଶଙ୍କରାଚାର୍ଯ୍ୟ ଆମିକସ କ୍ୟୁରିଙ୍କୁ ପରାମର୍ଶ ଦେଇଛନ୍ତି । ସେହିପରି ଶ୍ରୀମନ୍ଦିରର ଶୃଙ୍ଖଳିତ ନୀତିକାନ୍ତି ପରିଚଳନା ନେଇ ପୁରାଣରେ ବର୍ଣ୍ଣିତ ନୀତି ନିୟମ ଅନୁଯାୟୀ ଏକ ସମ୍ବିଧାନ କରାଯାଉ ବୋଲି ଶଙ୍କରାଚାର୍ଯ୍ୟ କହିଛନ୍ତି। ଅନ୍ୟପକ୍ଷେ ରାଜ୍ୟ ସରକାର ଶ୍ରୀମନ୍ଦିରରେ ସଂସ୍କାର ନେଇ ଗଠନ କରିଥିବା ଜଷ୍ଟିସ ବିପି ଦାସ କମିଶନ ଉପରେ କ୍ଷୋଭ ପ୍ରକାଶ କରିଥିଲେ ଶଙ୍କରାଚାର୍ଯ୍ୟ ।
ପୂର୍ବରୁ ଶ୍ରୀମନ୍ଦିରରେ ନୀତିକାନ୍ତି ଶୃଙ୍ଖଳିତ ନେଇ ଜଗତଗୁରୁ ଶଙ୍କରାଚାର୍ଯ୍ୟଙ୍କ ପରାମର୍ଶ ନିଆଯାଉଥିବା ବେଳେ ଏବେ ଶଙ୍କରାଚାର୍ଯ୍ୟଙ୍କୁ ଗୁରୁତ୍ୱ ଦିଆଯାଉ ନଥିବା ଦୁର୍ଭାଗ୍ୟର ବିଷୟ । ଏହା ଦ୍ୱାରା ଶ୍ରୀମନ୍ଦିରରେ ବିଭିନ୍ନ ସମୟରେ ବିଶୃଙ୍ଖଳା ହେଉଛି । ତେବେ ଅଧ୍ୟାତ୍ମିକ ମାର୍ଗକୁ ନେଇ ଶ୍ରୀକ୍ଷେତ୍ରର ବିକାଶ ହେଲେ ହିଁ ପ୍ରକୃତ ବିକାଶ ହୋଇ ପାରିବ ବୋଲି ଶଙ୍କରାଚାର୍ଯ୍ୟ କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
