ପୁରୀ: ସାତପଡ଼ା ବନବିଭାଗ ନିକଟ ଚିଲିକାରେ ଏରାୱାଡ଼ି ଡ଼ଲଫିନର ସ୍ଵାଭାବିକ ମୁତ୍ୟୁ । ସାତପଡ଼ା ରେଞ୍ଜର ମାନସ ମହାପାତ୍ରଙ୍କ ସୂଚନାନୁଯାଇ ଏରାୱାଡ଼ି ପ୍ରଜାତିର ଏକ ବୟସ୍କ ମାଈ ଡ଼ଲଫିନର ସ୍ଵାଭାବିକ ମୁତ୍ୟୁ ହୋଇଛି । ପ୍ରାୟ 7 ଦିନ ପୂର୍ବରୁ ଏହାର ମୁତ୍ୟୁ ହୋଇଥିବା ଅନୁମାନ କରାଯାଉଛି ।
ସୂଚନାମୁତାବକ, ଡ଼ଲଫିନଟି ଚିଲିକାର ବରୁଣକୁଦା ଅଞ୍ଚଳରେ ମରି ଭାସୁଥିବା ଖବରପାଇ ବନବିଭାଗ ଡିଲଫିନଟିର ମୃତଦେହକୁ ଉଦ୍ଧାର କରିଛି । ତାର ଲମ୍ବ 7 ଫୁଟ 4 ଇଞ୍ଚ ଏବଂ 4 ଫୁଟ 3 ଇଞ୍ଚ ଗୋଲେଇ । ମୃତ ଡଲଫିନଟିର ଶରୀରରେ କୌଣସି କ୍ଷତ ନଥିବାବେଳେ ଏହାର ପୋଷ୍ଟମଟମ କରାଯାଇଥିବା ସୂଚନା ମିଳିଛି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
