ପୁରୀ: ପିପିଲିରେ ପୌର ନିର୍ବାଚନ ମତଦାନବେଳେ ରାଜନୈତିକ ହିଂସା ଦେଖିବାକୁ ମିଳିଛି । ଏଠାରେ ଜଣେ ବିଜେପି ଏଜେଣ୍ଟଙ୍କୁ ଆକ୍ରମଣ କରିଛନ୍ତି ବିଜେଡିର ସମର୍ଥକ । 7 ନମ୍ବର ୱାର୍ଡର 9 ନମ୍ବର ବୁଥ ଏଜେଣ୍ଟ ଏହି ଆକ୍ରମଣର ଶିକାର ହୋଇ ଲହୁଲୁହାଣ ହୋଇଛନ୍ତି ।
Municipal Poll Violation: ପିପିଲିରେ ବିଜେପି ଏଜେଣ୍ଟଙ୍କ ଫାଟିଲା ମୁଣ୍ଡ, ବୁଥ୍ରେ ଉତ୍ତେଜନା
ବିଜେପି ସମର୍ଥିତ ଏଜେଣ୍ଟ ଅନିଲ କୁମାର ସିଂ ଙ୍କୁ ବିଜେଡି ସମର୍ଥକ ଆକ୍ରମଣ ଅଭିଯୋଗ ହୋଇଛି । ଆକ୍ରମଣରେ ଅନିଲଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ଗୁରୁତର ଅବସ୍ଥାରେ ତାଙ୍କୁ ପିପିଲି ଡାକ୍ତରଖାନାରେ ଭର୍ତ୍ତି କରାଯାଇଛି । ଏହି ଆକ୍ରମଣ ପରେ 9 ନମ୍ବର ବୁଥ୍ରେ ଉତ୍ତେଜନା ଦେଖାଦେଇଛି । ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
