ପୁରୀ: ପୁରୀ ପୋଲସିକୁ ସଫଳତା । ବିଭିନ୍ନ ସ୍ଥାନରେ ଚଢାଉ କରି 35 ଲକ୍ଷ ଟଙ୍କା ବ୍ରାଉନସୁଗାର ଜବତ କରିବା ସହିତ 16ଜଣଙ୍କୁ ଗିରଫ କରିଛି ପୋଲିସ ।
ଜିଲ୍ଲାରେ ବିଭିନ୍ନ ସ୍ଥାନରେ ବଢି ଚାଲିଥିଲା ନିଶାଦ୍ରବ୍ୟ କାରବାର । ନିଶା ବେପାର କରୁଥିବା ବେପାରୀଙ୍କୁ କାବୁ କରିବାକୁ ବିଭିନ୍ନ ସ୍ଥାନରେ ପୋଲିସ ଚଢାଉ କରିଥିଲା । ପୋଲିସ ବିଭିନ୍ନ ସ୍ଥାନରେ ଚଢାଉ କରି 350ଗ୍ରାମର ଧଳାଜହର ଜବତ କରିଥିଲା । ଜବତ ବ୍ରାଉନସୁଗାରର ମୂଲ୍ୟ ପ୍ରାୟ 35ଲକ୍ଷ ଟଙ୍କାର ହେବ ବୋଲି ଅନୁମାନ କରାଯାଇଛି ।
ଘଟଣାରେ 16ଜଣଙ୍କୁ ଗିରଫ କରିଛି ପୋଲିସ । ସେମାନଙ୍କ ଭିତରୁ ଦୁଇଜଣ ବ୍ରାଉନସୁଗାର ସପ୍ଲାଏର ହୋଇଥିବା ଜଣାପଡିଛି । ଏହା ସହିତ ସେମାନଙ୍କଠାରୁ ଗୋଟିଏ କାର ଓ ସ୍କୁଟି ଜବତ ହୋଇଛି । ପୁରୀ ସହର ତଥା ସଦରର ବିଭିନ୍ନ ସ୍ଥାନରୁ ବ୍ରାଉନସୁଗାର ଜବତ କରାଯାଇଛି ଏହାର ବିସ୍ତୃତ ସୂଚନା ପରବର୍ତ୍ତୀ ସମୟରେ ଦିଆଯିବ ବୋଲି କହିଛନ୍ତି ପୁରୀ ଏସପି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିିଭି ଭାରତ
