ପୁରୀ: ମେରାଇନ ଥାନା ଅନ୍ତର୍ଗତ ବାଲିପାଟଣା ଗ୍ରାମରେ ଉତ୍ତେଜନା । କୌଣସି କାରଣରୁ ଦୁଇଗୋଷ୍ଠୀ ମଧ୍ୟରେ ଗଣ୍ଡଗୋଳ ହେବାରୁ ଗୋଟିଏ ଗୋଷ୍ଠୀର ଯୁବକମାନେ ସାଧାରଣ ଲୋକଙ୍କ ବାଡି଼ ଭିତରେ ପଶି ଗଛ କାଟି ଦେବା ସହ ଗାଡି଼ମଟର ଭଙ୍ଗାରୁଜା କରିଥିବା ଅଭିଯୋଗ ହୋଇଛି । ଘଟଣାସ୍ଥଳରେ ପୋଲିସ ଫୋର୍ସ ମୁତୟନ କରାଯାଇଛି ।
ବିଗତ କିଛିଦିନ ହେଲା ପୁରୀ ମେରାଇନ ଥାନା ଅନ୍ତର୍ଗତ ବାଲିପାଟଣା, ନାଗାପାଟଣା ଓ ନାଗେଶ୍ବର ପାଟଣାରେ ଉତ୍ତେଜନା ଦେଖାଦେଇଛି । କୌଣସି କାରଣରୁ ଦୁଇଗୋଷ୍ଠୀ ମଧ୍ୟରେ ଗଣ୍ଡଗୋଳ ହେବା ସହ ଢେଲା ପଥର ମାଡ଼ ମଧ୍ୟ ଚାଲିଥିଲା । ତେବେ ଗୋଟିଏ ଗୋଷ୍ଠୀର ଯୁବକ ଅନ୍ୟ ଗୋଷ୍ଠୀକୁ ଭୟଭୀତ କରିବା ପାଇଁ ଘର ଭିତରେ ପଶିବା ସହ ଆସବାବପତ୍ର ଭଙ୍ଗାରୁଜା କରି ପୋଡି଼ ଦେଉଥିବା ଅଭିଯୋଗ ହୋଇଛି । ଏନେଇ ମେରାଇନ ଥାନା ପୋଲିସ ୨୦ଜଣଙ୍କୁ ଗିରଫ କରି କୋର୍ଟଚାଲାଣ କରିଥିବା ସୂଚନା ମିଳିଛି ।
ଇଟିଭି ଭାରତ, ପୁରୀ
