ନୂଆପଡା: ମୃତ୍ୟୁମୁଖରୁ ଅଳ୍ପକେ ବର୍ତ୍ତିଲେ CRPF ଯବାନ । ଉଦ୍ଧାର ହେଲା ଅଫୁଟା ବୋମା । ଶୁକ୍ରବାର ନୂଆପଡା ଜିଲ୍ଲା ମାଓ ପ୍ରବଣ ସୁନାବେଡା ଅଭୟାରଣ୍ୟରେ କୁମ୍ବିଂ ଅପରେସନ ବେଳେ ଅଳ୍ପକେ ବର୍ତ୍ତିଛନ୍ତି CRPF ଯବାନ ।
ସୂଚନାଅନୁଯାୟୀ ନୂଆପଡା ଜିଲ୍ଲା 216 CRPF ଯବାନ ପକ୍ଷରୁ ସୁନାବେଡା ଅଭୟାରଣ୍ୟ ଚେରେଚୁଆ ଘାଟି ନିକଟସ୍ଥ ଜଙ୍ଗଲରେ କମ୍ବିଂ ଅପରେସନ ଜୋରଦାର ଚାଲିଥିଲା । ସେହି ସମୟରେ ରାସ୍ତାକଡରେ ଏକ ଡିଟୋନେଟର ଖଞ୍ଜିତ ଟିଫିନବୋମା ଥିବା ଯବାନ ମାନେ ସନ୍ଦେହ କରିଥିଲେ । ଏହାପରେ ସନ୍ଧାନୀ ଡଗ ସ୍କାର୍ଡୋ ଏବଂ ବୋମା ନିଷ୍କ୍ରୀୟକାରୀ ଦଳ ଚେରେଚୁଆ ଘାଟିକୁ ପହଞ୍ଚି ତଦନ୍ତ ଆରମ୍ଭ କରିଥିଲେ । 15 ରୁ 20 କିଲୋଗ୍ରାମର ଡିଟୋନେଟର ଖଞ୍ଜିତ ଟିଫିନବୋମା ବୋମାକୁ ଜୀବନ୍ତ ଠାବ କରିଛନ୍ତି ବୋମା ନିଷ୍କ୍ରିୟକାରୀ ଦଳ । ଏହା ପରେ ଘଟଣାସ୍ଥଳରେ ବୋମାକୁ ନିଷ୍କ୍ରିୟ କରାଯାଇଛି।
ଦୀର୍ଘ ଦିନ ପରେ ସୁନାବେଡା ଅଞ୍ଚଳରେ ମାଓବାଦୀଙ୍କ ଗତିବିଧି ବୃଦ୍ଧି ପାଇଛି । ବହୁଦିନ ବ୍ୟବଧାନ ପରେ ମାଓବାଦୀ ସଂଗଠନ ବୋମା ଖଞ୍ଜି ଜାଲ ବିଛାଇ ଥିବା ବେଳେ ଅଳ୍ପକେ ବର୍ତ୍ତିଛନ୍ତି ସିଆରପିଏଫ ଯବାନ ।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
