ନୂଆପଡା: ଝଡତୋଫାନର କରାଳ ରୁପ । ଗଛତଳେ ଚାପିହୋଇ ଗୋଟିଏ ପରିବାରର ୨ ମୃତ ଓ ଜଣେ ଗୁରୁତର । ଏଭଳି ଘଟଣା ଜୋଙ୍କ ଥାନା ଭଣ୍ଡାରପୁରି ଗାଁରେ ଘଟିଛି । ମୃତକ ଦୁଇ ଜଣ ହେଲେ ମା ଓ ଝିଅ ଗଣେଶୀ ତାଣ୍ଡି, ତୁଳସୀ କୁମାରୀ ତାଣ୍ଡି ।
ଭିଡିଓ ସୌଜନ୍ୟ: ପ୍ରତିନିଧି ନୂଆପଡା
ଖବର ଅନୁଯାୟୀ, ରାତିରେ ମା ଓ ଝିଅ ଗୋଟିଏ ଘରେ ଶୋଇଥିବା ବେଳେ ବାପା ପୁନିତରାମ ତାଣ୍ଡି ଅନ୍ୟ ଏକ କୋଠରିରେ ଶୋଇଥିଲେ । କାଳବୈଶାଖିରେ ପାଖରେ ଥିବା ପିପଳି ଗଛ ଘର ଉପରେ ପଡିଯାଇଥିଲା। ଯେଉଁଥିରେ ଘର ଭିତରେ ୩ ଜଣ ଚାପି ହୋଇଯାଇଥିଲେ ।
ଘଟଣା ବିଷୟରେ ଖବରପାଇ ଜୋଙ୍କ ପୋଲିସ ସହ ଖରିଆର ରୋଡ ଅଗ୍ନିଶମ ବିଭାଗ ପହଞ୍ଚି ଗୁରୁତର ଅବସ୍ଥାରେ ପୁନିତକୁ ଉଦ୍ଧାର କରି ନୂଆପଡା ଚିକିତ୍ସାଳୟ ପଠାଇଥିଲେ । ହେଲେ ଘଟଣାସ୍ଥଳରେ ମା, ଝିଅଙ୍କ ମୃତଦେହ ଉଦ୍ଧାର କରାଯାଇଥିଲା ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
