ନୂଆପଡା: ମହାମାରୀ କୋରୋନା ସାରା ବିଶ୍ବରେ ଆତଙ୍କ ଖେଳାଇଛି । କୋରୋନାକୁ ରୋକିବା ପାଇଁ ଭାରତ ସରକାର ଲକଡାଉନ ଘୋଷଣା କରିଛନ୍ତି । ଓଡିଶା ସରକାର ମଧ୍ୟ ସମସ୍ତ ଜିଲ୍ଲାକୁ ଲକ ଡାଉନ କରିଛନ୍ତି । ନୂଆପଡାକୁ ଲକଡାଉନ କରାଯାଇଛି ଏଠାରେ ଲୋକଙ୍କ ସମର୍ଥନ ଦେଖିବାକୁ ମିଳିଛି । ପ୍ରତ୍ୟକ ଲୋକ ନିଜ ନିଜ ଘରେ ରହୁଛନ୍ତି । କୋରୋନାକୁ ମୁକାବିଲା କରିବାପାଇଁ ସାରା ଭାରତକୁ 21 ଦିନ ପାଇଁ ଲକଡାଉନ କରାଯାଇଛି ।
ନୂଆପଡା ଜିଲ୍ଲାର ଖଡିଆରରେ ମହାମାରୀ କୋରୋନାକୁ ନେଇ ଲୋକଙ୍କୁ ସଚେତନର ବାର୍ତ୍ତା ବାଣ୍ଟୁଛନ୍ତି ସମାଜସେବୀ ଜିତେନ୍ଦ୍ର ନାଥ ପଟ୍ଟନାୟକ । ନିଜ ମୋଟର ସାଇକେଲ ପୋଷ୍ଟର ବାନ୍ଧି ଗାଁ ଗାଁ ବୁଲ ଲୋକଙ୍କୁ ଏହି ମହାମାରୀ ସମ୍ଫର୍କରେ ସଚେତନ କରୁଛନ୍ତି। ଲୋକଙ୍କୁ ହାତକୁ ସ୍ବଚ୍ଛ ରଖିବା, ମାସ୍କ ବ୍ୟବହାର କରିବା, ସାନିଟାଇଜର ବ୍ୟବହାର କରିବା ବିଷୟରେ ସଚେତନ କରୁଛନ୍ତି । ଏହା ବ୍ୟତୀତ ବିଦେଶ ବା ଅନ୍ୟ ରାଜ୍ୟରୁ ଆସିଥିବା ଲୋକଙ୍କ ସଠିକ ତଥ୍ୟ ମିଳିବାର ଆବଶ୍ୟକତା ରହିଛି ବୋଲି କହିଛନ୍ତି ।
ସମସ୍ତେ ଏକତ୍ରିତ ଭାବରେ ସାମାଜିକ ଦୂରତା ଅବଲମ୍ବନ କରି ପରସ୍ପରକୁ ସାହାଯ୍ୟ ହେଲେ ମହାମାରୀ କୋରୋନାକୁ ରୋକିପାରିବା ବୋଲି ସମାଜ ସେବୀ ଜିତେନ୍ଦ୍ର ନାଥ ପଟ୍ଟନାୟକ ସୂଚନା ଦେଇଛନ୍ତି । ତାଙ୍କ ସହିତ ଆମ ନୂଆପଡା ପ୍ରତିନିଧି ମୋତିଲାଲ ବାଗଙ୍କ ସିଧାସଳଖ ଆଲୋଚନା କରିଛନ୍ତି ଦେଖନ୍ତୁ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
