ନୂଆପଡା: ଜିଲ୍ଲା ଖଡ଼ିଆଳ ବ୍ଲକ ଆଦିବାସୀ ବହୁଳ କୁଲିଗାଁର ଅସହାୟ ଅବିବାହିତା ସରସ୍ବତୀ ଲୁହାରଙ୍କ ବାସଗୃହ ନାହିଁ । ସରସ୍ବତୀ ଲୁହାରଙ୍କୁ 23 ବର୍ଷ ହୋଇଥିଲେ ସୁଦ୍ଧା ବୟସ ଅନୁପାତରେ ଶରୀରର ଗଠନ ହୋଇ ପାରିନାହିଁ । 23 ବର୍ଷୀୟା ସରସ୍ୱତୀଙ୍କ ଛୋଟ ଶିଶୁ ପରି ତାଙ୍କ ଶାରିରୀକ ଗଠନ । ଯାହାଫଳରେ ବିଚାରି ସରସ୍ୱତୀ ଲୁହାରଙ୍କୁ ବିବାହ କରିବା ପାଇଁ କୌଣସି ବରପାତ୍ର ମିଳୁନାହିଁ ।
ବାସଗୃହ ଅଭାବରୁ ଦୁଃଖ ଦୁର୍ଦଶାରେ କଟୁଛି ସରସ୍ବତୀ ଲୁହାରଙ୍କ ଜୀବନ
ଭବିଷ୍ୟତରେ ସରସ୍ବତୀ ଅବିବାହିତ ହୋଇ ନିଜ ବୃଦ୍ଧ ପିତାମାତା ଦାଦା ଭାଉଜ ପାଖରେ ରହିବେ ବୋଲି ପ୍ରକାଶ କରିଛନ୍ତି। ଏଥିପାଇଁ ସରସ୍ବତୀଙ୍କୁ ଏକ ଆବାସଗୃହ ଯୋଗାଇ ଦେବା ପାଇଁ ସରକାର ଜିଲ୍ଲା ପ୍ରଶାସନକୁ ଅନୁରୋଧ କରିଛି ସରସ୍ବତୀ । ଆଗକୁ ପ୍ରଶାସନ ସରସ୍ୱତୀର ଅନୁରୋଧକୁ ଶୁଣି ଏକ ବାସଗୃହ ଯୋଗାଇ ଦେବେ ବୋଲି ଆଶା।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
