ନୂଆପଡା: ରାସ୍ତା ପାଲଟିଛି ମରଣଯନ୍ତା । ହନ୍ତସନ୍ତ ହେଉଛନ୍ତି ଲୋକେ । ହେଲେ ଦୃଷ୍ଟି ଦେଉ ନାହାଁନ୍ତି ଅଧିକାରୀ । ନୂଆପଡା ଜିଲ୍ଲା ସିନାପାଲି ଭାୟା କଇଁଟପଦର ନଗଲବୋର୍ଡ ରାସ୍ତା ଦୀର୍ଘଦିନରୁ ମରଣ ଯନ୍ତା ପାଲଟିଛି । ଏହି ରାସ୍ତା ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ରହିଥିବା ବେଳେ ବିଭାଗୀୟ ଅଧିକାରୀଙ୍କ ଦୃଷ୍ଟି ନାହିଁ । ଫଳରେ ରାସ୍ତାରୁ ପିଚୁ ଉଠିଯାଇ ମେଟାଲ ଗୁଡିକ ବାହାରି ପଡିଛି ।
ରାସ୍ତା ପାଲଟିଛି ମରଣଜନ୍ତା, ଶୁଣୁ ନାହାଁନ୍ତି ଅଧିକାରୀ
ଖାଲ ଖମାରରେ ଭରି ରହିଥିବା ରାସ୍ତା ବିପଦ ସଙ୍କୁଳ ଅବସ୍ଥାରେ ପଡିଛି ।ଘୁଚାଗୁଡା,କଇଁଟପଦର,ନାଙ୍ଗଲବୋର୍ଡ ଓ ଘାଟମାଲ ପଞ୍ଚାୟତବାସୀଙ୍କ ପାଇଁ ଏହା ମୁଖ୍ୟ ସମସ୍ୟା ପାଲଟିଛି । ପ୍ରତିଦିନ ଶତାଧିକ ଲୋକ ଯାତାୟତ କରୁଥିବାବେଳେ, ଦୁର୍ଘଟଣାରେ ପଡି ଅକାଳରେ ମୃତ୍ୟୁ ମୁଖରେ ପଡୁଥିବା ସ୍ଥାନୀୟବାସୀ ଅଭିଯୋଗ କରିଛନ୍ତି । ବିଭାଗୀୟ ଅଧିକାରୀ ତୁରନ୍ତ ରାସ୍ତା ମରାମତି କରନ୍ତୁ ନଚେତ ଆଗାମୀ ଦିନରେ ଅନଶନ କରିବେ ଚେତାବନୀ ଦେଇଛନ୍ତି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
