ନୂଆପଡା: ଖଡ଼ିଆଳ କୋଶଲେଶ୍ବର ମନ୍ଦିର ନିକଟସ୍ଥ ପୂଜା ସାମଗ୍ରୀ ଦୋକାନରେ ଅଗ୍ନିକାଣ୍ଡ । ଭୟଙ୍କର ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ପୂଜା ସାମଗ୍ରୀ ପାଉଁଶ ।
ଭିଡିଓ ସୌଜନ୍ୟ : ପ୍ରତିନିଧି, ନୂଆପଡା
ସୂଚନା ଅନୁଯାୟୀ ଆଜି ସକାଳେ ଦୋକାନ ମାଲିକ ହିମାଂଶୁ ପ୍ରସାଦ ବେହେରା ଦୋକାନ ଖୋଲିବାକୁ ଆସିଥିବାବେଳେ , ହଠାତ ଆଖି ପିଛୁଳାକେ ଦୋକାନରେ ନିଆଁ ଲାଗିଯାଇଥିଲା । ଖବର ପାଇ ଖଡ଼ିଆଳ ଦମକଳ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଲିଭାଇବା ବେଳକୁ ସବୁକିଛି ପୋଡି ପାଉଁଶ ହୋଇଯାଇଥିଲା । ପ୍ରାଥମିକ ତଦନ୍ତରେ ପୂଜା ଦୋକାନରେ ଇଲେକ୍ଟ୍ରିକାଲ ସର୍ଟସର୍କିଟ କାରଣରୁ ନିଆଁ ଲାଗିଥିବା ଜଣାପଡିଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
