ନୂଆପଡା: ନୂଆଖାଇ ପର୍ବ ପାଳନ ନେଇ ଜିଲ୍ଲାରେ ଆରମ୍ଭ ହୋଇଛି ପ୍ରସ୍ତୁତି । ଏନେଇ ନୂଆପଡା ଜିଲ୍ଲା ସଂସ୍କୃତି ସମ୍ପନ୍ନ ଖଡ଼ିଆଳ ରାଜ ଦରବାର ପ୍ରାଙ୍ଗଣରେ ପଶ୍ଚିମ ଓଡିଶାର ଗଣପର୍ବ ନୂଆଖାଇ ଲଗ୍ନ ଧାର୍ଯ୍ୟ ଅବସରରେ ଆଜି(ଶନିବାର) ଯୁବରାଜ ଦେବ ଦେବ ସିଂ ଦେଓଙ୍କ ଅଧ୍ୟକ୍ଷତାରେ ଲଗ୍ନ ଧାର୍ଯ୍ୟ ସଭା ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମରେ ରାଜ ଜ୍ୟୋତିଷ ପ୍ରଫୁଲ୍ଲ କୁମାର ରଥ, ରାଜ ପଣ୍ଡିତ ସୁଦର୍ଶନ ଠାକୁର ଓ ତାରା ପ୍ରସାଦ ଆଚାର୍ଯ୍ୟ ଗଡ ରକ୍ଷକ ଗଡଜାତ ଦେବୀ ମା ରକ୍ତାମ୍ବରୀଙ୍କ ମୁଖ୍ୟ ପୂଜକ ଏବଂ ଇଷ୍ଟ ଦେବୀ ମା ସମଲେଶ୍ବରୀଙ୍କ ମୁଖ୍ୟ ପୂଜକ ଓ ମାନ୍ୟଗଣ୍ୟ ବ୍ୟକ୍ତିଙ୍କ ଉପସ୍ଥିତିରେ ଏହି ଶୁଭ ଲଗ୍ନ ଧାର୍ଯ୍ୟ ହୋଇଛି ।
ତେବେ ଚଳିତ ବର୍ଷ ସେପ୍ଟେମ୍ବର 11 ତାରିଖ ପୂର୍ବାହ୍ନରେ ମଧ୍ୟେ ନୂଆଖାଇ ବା ନବାନ୍ନ ଭକ୍ଷଣ କରିବା ପାଇଁ ଶୁଭ ଲଗ୍ନ ଧାର୍ଯ୍ୟ ହୋଇଥିବା ନେଇ ଯୁବରାଜ ଦେବଦେଵ ସିଂ ଦେଓ ସୂଚନା ଦେଇଛନ୍ତି । ତା ପୂର୍ବରୁ ଅର୍ଥାତ 10 ତାରିଖ ରାତ୍ରିରେ ଗଡ଼ ରକ୍ଷକ ମା ରକ୍ତାମ୍ବରୀ, ଇଷ୍ଟ ଦେବୀ ମା ସମଲେଶ୍ବରୀଙ୍କ ଠାରେ ନବାନ୍ନ ଲାଗି ହେବା ନେଇ ସୂଚନା ମିଳିଛି । ଏନେଇ ଖଡ଼ିଆଳ ଯୁବରାଜ କଅଣ କହୁଛନ୍ତି ଆସନ୍ତୁ ଶୁଣିବା ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
