ନୂଆପଡା: ଜିଲ୍ଲା ସଦର ଥାନା ସ୍ଥିତ ତେଲିପଡା ଶିବମନ୍ଦିରଠାରେ ନୂଆପଡା ପୋଲିସର ଅତର୍କିତ ଚଢାଉ । ଚଢ଼ାଉ ବେଳେ 48ଟି ବେଆଇନ କଫ ସିରପ୍ ଜବତ ହେବା ସହ ଜଣେ ଯୁବକ ଗିରଫ ହୋଇଛି । ଗିରଫ ଯୁବ ଜଣକ ହେଲେ ନୂଆପଡା ସହର ସ୍ଥିତ ତେଲିପଡାର ରାଜେନ ନାଗ ।
ଦିନକୁଦିନ ନୂଆପଡାରେ ବେଆଇନ କଫ ସିରପ କାରବାର ବଢିବାରେ ଲାଗିଛି । ଏଠାରେ ଆପଣଙ୍କୁ କହିରଖୁଛୁ ଯେ, କଫ ସିରପ ଗୋଟିଏ ଔଷଧ । କାଶ, ଜ୍ଜର ହେଲେ ଡାକ୍ତରଙ୍କ ପରାମର୍ଶରେ ରୋଗୀ ଏହାକୁ ଖାଇ ଆରୋଗ୍ୟ ଲାଭ ପାଇଥାଏ । ତେବେ ଏହି କଫ ସିରପକୁ ଆବଶ୍ୟକୀୟ ଡୋଜରୁ ଅଧିକ ସେବନ କରିବା ଦ୍ବାରା ତାହା ମଣିଷକୁ ନିଶାଗ୍ରସ୍ତ କରାଇଥାଏ । ଯାହାଫଳରେ ନୂଆପଡା ଜିଲ୍ଳାରେ ବିଶେଷ କରି ଯୁବପୀଢି ଏହାପ୍ରତି ଅଧିକ ଆକୃଷ୍ଟ ହେଉଛନ୍ତି । ଏହାସହ କମ ଖର୍ଚ୍ଚରେ କଫ ସିରପ କିଣି ଏହାକୁ ନିଶା ଭାବରେ ବ୍ୟବହାର କରୁଛନ୍ତି ।
ଯାହା ଫଳରେ ଯୁବକ କିଡ୍ନୀ ରୋଗରେ ଆକ୍ରାନ୍ତ ହୋଇ ଅକାଳରେ ମୃତ୍ୟୁ ମୁଖରେ ପଡୁଛନ୍ତି । ଆଉ ଏପଟେ ଏହାର ଫାଇଦା ନେଇ ଅନେକ ଅସାମାଜିକ ବ୍ୟକ୍ତି ବେଆଇନ ଭାବରେ କଫ ସିରଫ ବ୍ୟବସାୟ ଚଳାଇଛନ୍ତି ।
ତେବେ ଶନିବାର କଫ ସିରପ ବିକ୍ରୀ କରୁଥିବାବେଳେ ରାଜେନ ନାଗ ନାମକ କଫ ସିରପ ବ୍ୟବସାୟୀକୁ ଗିରଫ କରି କୋର୍ଟ ଚାଲାଣ କରିଛି ନୂଆପଡା ପୋଲିସ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
