ନୂଆପଡା: ଜିଲ୍ଲାର ସିନାପାଲି ବ୍ଲକ ବୈଗାପଡା ଗାଁକୁ ଦାଉ ସାଧିଲା ପ୍ରଧାନମନ୍ତ୍ରୀ ସଡକ ଯୋଜନା । ଏହି ଗାଁକୁ ସରକାରଙ୍କ ଅନୁମୋଦନ ଦୀର୍ଘ 5 ବର୍ଷ ପୂର୍ବେ ଆରମ୍ଭ ହୋଇଥିଲା ସଡକ ନିର୍ମାଣ କାର୍ଯ୍ୟ । ଅର୍ଥାତ୍ ପିଡବ୍ଲ୍ୟୁଡି ରାସ୍ତା ଠାରୁ ଭାୟା ରାଣୀଡୁଙ୍ଗରୀ ଗାଁ ଦେଇ ବୈଗାପଡା ଦୀର୍ଘ 4କିମି ପର୍ଯ୍ୟନ୍ତ ପ୍ରଧାନମନ୍ତ୍ରୀ ସଡକ ଯୋଜନାରେ କାର୍ଯ୍ୟ ଆରମ୍ଭ ହୋଇଥିଲା ।
ତେବେ ସଡକ ନିର୍ମାଣ ଯୋଜନାରେ ବୈଗାପଡା ଗାଁ ଦାଣ୍ଡର ଉଭୟ ପାର୍ଶ୍ବରେ ଡ୍ରେନେଜ ବ୍ୟବସ୍ଥାର ନିୟମ ରହିଛି । ହେଲେ ନିର୍ମାଣ କାର୍ଯ୍ୟରେ ନିୟୋଜିତ ଠିକାଦାର ଜଣକ ମଝି ରାସ୍ତାରେ ଛାଡି ଦେଇଥିଲା ଡ୍ରେନେଜ କାମ । ଫଳରେ ଗାଁରେ ଥିବା ଓଭରହେଡ ପାଣିଟାଙ୍କିର ଷ୍ଟାଣ୍ଡପୋଷ୍ଟ ପାଣି କୌଣସି ତଳିଆ ଅଞ୍ଚଳକୁ ନିଷ୍କାସନ ନହୋଇ ମଝିରେ ଗାଁରେ ଜମାଟ ବାନ୍ଧୁଛି । ଯଦ୍ବାରା ଖରା ହେଉକି ବର୍ଷା ଗାଁ ଲୋକଙ୍କୁ ସବୁବେଳେ କାଦୁଅ ସରସର ମଇଳା ଦୁର୍ଗନ୍ଧ ପାଣି ଦେଇ ଯାତାୟତ କରିବାକୁ ପଡୁଛି । ଏପରିକି କୋମଳମତି ଶିଶୁମାନେ ଖାଲି ପାଦରେ ଯାତାୟତ କରୁଥିବା ଦେଖିବାକୁ ମିଳିଛି । ଫଳରେ ଶିଶୁମାନଙ୍କ ପାଦରେ ଚର୍ମ ରୋଗ ଦେଖାଦେଇଛି ।
