ନୂଆପଡା: ସୁନାବେଡା ଅଭୟାରଣ୍ୟ ସ୍ଥିତ ଗୋଧସ ଜଳ ପ୍ରପାତରେ ଅଘଟଣ । ଜଳ ପ୍ରପାତକୁ ଖସିପଡି ଯୁବକଙ୍କ ଶୋଚନୀୟ ମୃତ୍ୟୁ । ମୃତ ଯୁବକଙ୍କ ନାମ ମହେଶ ନାଗ ହୋିଥିବା ବେଳେ ତାଙ୍କ ଘର ଟିଟିଲାଗଡ଼ ଥାନା ସିଗ୍ନାମୁଣ୍ଡା ବୋଲି ଜଣାପଡିଛି ।
ଗୋଧସ ଜଳ ପ୍ରପାତକୁ ଖସିପଡି ଯୁବକଙ୍କ ଶୋଚନୀୟ ମୃତ୍ୟୁ
ସୂଚନାମୁତାବକ, ମହେଶ ନାଗ ତାଙ୍କ ସାଙ୍ଗ ମାନଙ୍କ ସହ ନୂଆପଡା ଜିଲ୍ଲା ସୁନାବେଡା ଅଭୟାରଣ୍ୟ ସ୍ଥିତ ଗୋଧସ ଜଳ ପ୍ରପାତକୁ ବୁଲିବା ପାଇଁ ଯାଇଥିଲେ । ସେଠାରେ କୌଣସି କାରଣରୁ ଗଭୀର ଜଳ ପ୍ରପାତକୁ ଖସିପଡି ମୃତ୍ୟୁବରଣ କରିଥିବା ଜଣାପଡ଼ିଛି । ଖବର ପାଇ ଧରମବନ୍ଧା ପୋଲିସ ଏବଂ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ
