ନୂଆପଡା: ବିଜେଡି ସୁପ୍ରିମୋ ନବୀନ ପଟ୍ଟନାୟକ ନିର୍ବାଚନ ପ୍ରଚାର ପାଇଁ ସୋମବାର ନୂଆପଡା ଜିଲ୍ଲା ଗସ୍ତ କରି ଖଡିଆଳ, ସିନାପାଲି ଦେଇ ପଡୋଶୀ କଳାହାଣ୍ଡି ଜିଲ୍ଲା ଫେରିଯାଇଛନ୍ତି । ପ୍ରଥମେ ଆକାଶ ମାର୍ଗରୁ ହେଲିକପ୍ଟର ଯୋଗେ ୭୧ ନୂଆପଡା ନିର୍ବାଚନ ମଣ୍ଡଳୀ ତରବୋଡ ଖେଳପଡିଆଠାରେ ଅବତରଣ କରି ବିଶାଳ ନିର୍ବାଚନୀ ସଭାକୁ ସମ୍ବୋଧନ କରିଛନ୍ତି ।
ଆୟୋଜିତ ସଭାରେ ନୂଆପଡାବାସୀଙ୍କୁ କୃତଜ୍ଞତା ଜଣାଇ ୭୧ ନୂଆପଡା ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ରାଜେନ୍ଦ୍ର ଢୋଲକିଆ ଏବଂ କଳାହାଣ୍ଡି ଲୋକସଭା ପ୍ରାର୍ଥୀ ପୁଷ୍ପେନ୍ଦୁ ସିଂ ଦେଓଙ୍କୁ ଶଙ୍ଖ ଚିହ୍ନରେ ଭୋଟଦେଇ ଜୟଯୁକ୍ତ କରିବାପାଇଁ ନିବେଦନ କରିଛନ୍ତି ।
ଏହାପରେ ହେଲିକପ୍ଟର ଯୋଗେ ୭୨ ଖଡିଆଳ ନିର୍ବାଚନ ମଣ୍ଡଳୀ ମୁକ୍ତାପୁର ଗାଁ ଖେଳପଡିଆ ଠାରେ ଅବତରଣ କରି ମାରାଥନ ଭୋଟ ପ୍ରଚାର କରିଛନ୍ତି । ସେଠାରେ ଦଳୀୟ ନେତା ଓ କର୍ମୀ ଆଦିବାସୀ ନୃତ୍ୟର ତାଳେ ତାଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସ୍ଵାଗତ କରିଥିଲେ ।
ତେବେ ବିଜେଡି ବିଜୟୀ ହେବାପରେ ଜୀବନର ଶେଷ ନିଶ୍ଵାସ ପର୍ଯ୍ୟନ୍ତ ଓଡିଶାବାସୀଙ୍କ ସେବା କରିବେ ବୋଲି କହିଛନ୍ତି ।
ତେବେ ଏନେଇ ଖଡିଆଳ ବିଧାନସଭା ବିଧାୟକ ପ୍ରାର୍ଥୀ ଲମ୍ବୋଦର ନିଆଲଙ୍କ ସହ ଆମ ଇଟିଭି ଭାରତ ପ୍ରତିନିଧି ମୋତିଲାଲ ବାଗ ସିଧାସଳଖ ଆଲୋଚନା କରିଛନ୍ତି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
