ନୂଆପଡା: ଖଡ଼ିଆଳ ବ୍ଲକ ବଙ୍କାପୁର ଛକ ଠାରେ ବିଭିନ୍ନ ସମସ୍ୟାକୁ ନେଇ ରାସ୍ତା ଅବରୋଧ କରିଛନ୍ତି ଶତାଧିକ ଚାଷୀ । ଏହି ଆନ୍ଦୋଳନରେ ଖଡ଼ିଆଳ ବ୍ଲକ ଖାସବାହାଲ, ଦୁହେଲପଡା ଗ୍ରାମପଞ୍ଚାୟତର ଶତାଧିକ ଚାଷୀ ସାମିଲ ହୋଇଛନ୍ତି । ସେମାନଙ୍କର ସମସ୍ୟାକୁ ନେଇ ଆନ୍ଦୋଳନରତ ଚାଷୀଙ୍କ ସହ ଆଲୋଚନା କରିଥିଲେ ଆମ ପ୍ରତିନିଧି ।
2018 ରାଷ୍ଟ୍ରୀୟ କୃଷିବୀମା ଟଙ୍କା ଚାଷୀଙ୍କୁ ତୁରନ୍ତ ପ୍ରଦାନ କରିବା, ନିକଟସ୍ଥ ଲୋୟର ଇନ୍ଦ୍ର ଜଳସେଚନ ପ୍ରକଳ୍ପରୁ ଖାସବାହାଲ, ଦୋହେଲପଡା ଗ୍ରାମପଞ୍ଚାୟତ ଚାଷ ଜମିକୁ ଜଳଯୋଗାଣ କରିବା ସହ ଇନପୁଟ ସବସିଡି ଅର୍ଥକୁ ତୁରନ୍ତ ପ୍ରଦାନ ଏବଂ କାଳିଆ ସହାୟତା ପ୍ରଦାନ ଭଳି ବିଭିନ୍ନ ଦାବି ପୂରଣ କରିବାକୁ ଚାଷୀ ଆନ୍ଦୋଳନକୁ ଓହ୍ଲାଇଛନ୍ତି । ଯଦି ଜିଲ୍ଲାପ୍ରଶାସନ ସେମାନଙ୍କ ଦାବି ଗୁଡିକୁ ପୂରଣ କରାନଯାଏ ତେବେ ଏହି ଆନ୍ଦୋଳନ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଜାରି ରହିବ। ଚାଷୀଙ୍କ ଆନ୍ଦୋଳନ ଯୋଗୁଁ ଭବାନୀପାଟଣା ଠାରୁ ଖଡ଼ିଆଳ ମୁଖ୍ୟ ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
