ନୂଆପଡା: ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘ କର୍ମଚାରୀଙ୍କ ସାଧାରଣ ବୈଠକ । କେନ୍ଦୁପତ୍ରରେ କର୍ମଚାରୀ ମାନଙ୍କୁ ଛୋଟେଇକୁ ବିରୋଧ କରିବା ସହ ସେମାନଙ୍କ ବିଭିନ୍ନ ଦାବି ସମ୍ପର୍କରେ ଆଲୋଚନା କରିଛନ୍ତି ।
ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘର ବୈଠକ
ନୂଆପଡା ଜିଲ୍ଲା କେନ୍ଦୁପତ୍ର କର୍ମଚାରୀ ସଂଘ ଏକ ସାଧାରଣ ସଭା ସଭାପତି ଯଦୁମଣି ପାଣିଗ୍ରାହୀଙ୍କ ନେତୃତ୍ବରେ ଅନୁଷ୍ଠିତ ହୋଇଯାଇଛି । ସଭାରେ ସର୍ବ ପ୍ରଥମେ ଓଡ଼ିଶା କେନ୍ଦୁପତ୍ର କର୍ମଚାରୀ ସଂଘ ରାଜ୍ୟ ଉପସଭାପତି ଛବିଳ ତ୍ରିପାଠୀଙ୍କ ଦେହାନ୍ତରେ ଶୋକସଭା କରାଯାଇଥିଲା । ଏହାପରେ ସଭାରେ କେନ୍ଦୁପତ୍ର କର୍ମଚାରୀ ମାନଙ୍କ ମୌଳିକ ଅଧିକାର ବିଷୟରେ ଆଲୋଚନା କରାଯାଇଛି । ଚପରାଶି, ବନ୍ଧେଇ, ଚେକର ମାନଙ୍କୁ ଛଟେଇ ପ୍ରକ୍ରିୟାକୁ ସଂଘ ବିରୋଧ କରିଛି ସେହିଭଳି ଜଗୁଆଳୀ ମାନଙ୍କ ଦରମା ବୃଦ୍ଧି ପାଇଁ ଦାବି କରିଛି ସଂଘ । ଦାବି ପୂରଣ ନ ହେଲେ ଆଗାମୀ ଦିନରେ ଆନ୍ଦୋଳନ ତୀବ୍ରତର ହେବ ବୋଲି ଚେତାବନୀ ଦେଇଛନ୍ତି କେନ୍ଦୁପତ୍ର କର୍ମଚାରୀ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
