ନୂଆପଡା: ଭାରତୀୟ କମ୍ୟୁନିଷ୍ଟ ପାର୍ଟି ନୂଆପଡା ମେନପୁର ମାଓବାଦୀ ସଙ୍ଗଠନ ପକ୍ଷରୁ ସୋମବାର ନୂଆପଡା ଜିଲ୍ଲାର ମାଓପ୍ରବଣ ଅଞ୍ଚଳ ଗୁଡିକରେ ପିଏଲ୍ଜିଏ (PLGA)ସପ୍ତାହ ପାଳନ କରାଯାଉଛି ।
ଏହା ପ୍ରଭାବରେ ନୂଆପଡା ଜିଲ୍ଲାର ମାଓପ୍ରବଣ ଇଲାକା ନଙ୍ଗଳବୋର୍ଡ, ଘାଟମାଳ, ଭଇସାଦାନି, ଧରମବନ୍ଧା, ପତୋରା ଏବଂ ବେଲଟୁକୁରି ଅଞ୍ଚଳରେ ଯାତ୍ରୀବାହୀ ବସ୍ ଓ ଗାଡିମୋଟର ଚଳାଚଳ ବନ୍ଦ ରହିଛି । ସୁନାବେଡା ଅଭୟାରଣ୍ୟ ସ୍ଥିତ ଗାଁ ଗୁଡିକରେ ସରକାର ବିରୋଧୀ ସ୍ଲୋଗାନ ଦେଇ ସ୍ଥାନୀୟ ଲୋକଙ୍କୁ ଭୟଭୀତ କରୁଥିବା ବେଳେ ଲୋକେ ଆତଙ୍କିତ ଅବସ୍ଥାରେ ଅଛନ୍ତି ।
ମାଓବାଦୀଙ୍କ ଏଭଳି କାର୍ଯ୍ୟକଳାପକୁ ନେଇ ଦୁର୍ଗମ ଅଞ୍ଚଳରେ ଲୋକେ ଆତଙ୍କିତ ହୋଇପଡିଛନ୍ତି । ଅପରପକ୍ଷେ ଜିଲ୍ଲାରେ ଲୋକଙ୍କ କୌଣସି କ୍ଷତି ନହେବାପାଇଁ ନୂଆପଡା ପୋଲିସ, ସିଆରପିଏଫ୍ ଯବାନ, ଏସ୍ଓଜି ଯବାନ, ଡିଭିଏଫ୍ ଯବାନ ପକ୍ଷରୁ କୁମ୍ବିଂ ଅପରେସନକୁ ଜୋରଦାର କରାଯାଇଛି । ମାଓବାଦୀଙ୍କ ବନ୍ଦ ପାଳନ ଚଳିତ ମାସ 8 ତାରିଖ ପର୍ଯ୍ୟନ୍ତ ଚାଲୁରହିବ ବୋଲି ସୂଚନା ମିଳିଛି ।
ନୂଆପଡାରୁ ମୋତିଲାଲ ବାଗ୍, ଇଟିଭି ଭାରତ
