ନୂଆପଡା: ଖୁଣ୍ଟ ଅଛି ହେଲେ ବିଦ୍ୟୁତ ସଂଯୋଗ ନାହିଁ । ବିଜୁଳି ଖୁଣ୍ଟ ପୋତା ଯିବାର 3ବର୍ଷ ପୂରିଥିଲେ ବି ଆଜି ବି ଦିନ କଟୁଛି ଅନ୍ଧାରରେ । ଆମେ କହୁଛୁ, ନୂଆପଡା ଜିଲ୍ଲା ଉପାନ୍ତ ମହଗାଁ, କୋଟାମାଳ, ବେଲପାଟିପଡା, ଯୋଗୀମଠପଡା ଓ ବ୍ରାହ୍ମନିଗୁଡା ଗାଁ କଥା ।
ଯେଉଁଠି ବିଜୁଳି ନଥିବା କାରଣରୁ ଡିବିରିର ମିଞ୍ଜିମିଞ୍ଜି ଆଲୁଅରେ ପାଠ ପଢୁଛନ୍ତି କୁନିକୁନି ପିଲାମାନେ । ଏହାସହ କିଟିକିଟି ରାତିରେ ବି ସାପ ବିଛା ଭଳି ସରୀସୃପର ବି ଭୟ ରହୁଛି । ହେଲେ ଏନେଇ ବାରମ୍ବାର ଦାବି କଲେ ମଧ୍ୟ ଏହାର ସମାଧାନ ହୋଇପାରୁ ନଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡା
ତେବେ କେବେ ଏହି ଅଞ୍ଚଳରେ ବିଦ୍ୟୁତ ସଂଯୋଗ ହେବ । କେବେ ଏହି ଗାଁଲୋକେ ଆଲୁଅ ଦେଖିବେ । ଆଗକୁ ଏସଡ଼ିଓଙ୍କ ପ୍ରତିଶ୍ରୁତି କେବେ ପୂରଣ ହେଉଛି, ସମୟ କହିବ ।
