ନୂଆପଡା: ନାରୀ ସୁରକ୍ଷା ପାଇଁ ସରକାର ସରକାରଙ୍କ ମାଳମାଳ ଯୋଜନା । ବିଧବା ମହିଳାଙ୍କୁ ସାମାଜିକ ସୁରକ୍ଷା ପାଇଁ ଯୋଜନା ରହିଛି ହେଲେ ସବୁ ଯୋଜନା ସଠିକ୍ ରୂପେ କାର୍ଯ୍ୟକାରୀ ହୋଇପାରୁ ନାହିଁ । ଅସହାୟ ବିଧବା ହେମଳତା ମାଝୀଙ୍କ ପାଖକୁ ପହଞ୍ଚି ପାରିନାହିଁ ସରକାରଙ୍କ ସାମାଜିକ ସୁରକ୍ଷା ଯୋଜନା । ଫଳରେ ବିଧବା ହେମଲତା ଭଙ୍ଗା ଦଦରା କୁଡ଼ିଆ ଘରେ ଅସୁରକ୍ଷିତ ଅବସ୍ଥାରେ ପଡି ରହିଥିବାବେଳେ, ତିନି ନାବାଳକ ସନ୍ତାନ ସହ ଭୋକ ଉପାସରେ ଦିନ କାଟୁଛି ।
ହେମଳତା ମାଝୀଙ୍କ ଦୁଃଖ: ନୂଆପଡା ଜଲ୍ଲା ଦସର ମହୁକମା ଠାରୁ ୧୨୦ କିଲୋମିଟର ଦୂରତା ନୂଆପଡା ଜିଲ୍ଲା ଛତିଶଗଡ଼ ସୀମାନ୍ତ ସିନାପାଲି ବ୍ଲକ ପିଠାପଡା ଗାଁ । ଗାଁରେ ବାସକରନ୍ତି ବିଧବା ଅସହାୟ ହେମଲତା ମାଝୀ, ତିନିନାବାଳକ ସନ୍ତାନ ଗୋପାଳ ମାଝୀ, ଭୁପେଶ ମାଝୀ, କୁନି ଶିଶୁକନ୍ୟା କିଞ୍ଜଳ ମାଝୀ । ଭଙ୍ଗା ଦଦରା କୁଡ଼ିଆ ଘରେ ଦିନରେ ସୂର୍ଯ୍ୟ ରାତ୍ରିରେ ଚନ୍ଦ୍ର ଦେଖାଦେଉଛି । ତେବେ ପୂର୍ବରୁ ହେମଲତା ମାଝୀ ଓ ତାଙ୍କ ପତି କୁଶଧ୍ୱଜ ମାଝୀ ଚେନ୍ନଇରେ ବିଲ୍ଡିଂ ତିଆରି କାମ କରୁଥିଲେ । କାମ କରିବା ସମୟରେ ସ୍ବାମୀ କୁଶଧ୍ବଜର ଡାହାଣ ଗୋଡ଼ ଭାଙ୍ଗି ଯାଇଥିଲା । ପରେ ସ୍ବାମୀ ସ୍ତ୍ରୀ 3 ନାବାଳକ ଶିଶୁମାନଙ୍କୁ ଧରି ଗାଁକୁ ଚାଲି ଆସିଥିଲେ । ଗାଁରେ ଚିକିତ୍ସା ଅଭାବରୁ କୁଶଧ୍ବଜଙ୍କ ମୃତ୍ୟୁ ଘଟିଥିଲା । ପରିବାରର ଏକମାତ୍ର ରୋଜାଗାରିଆ ସ୍ବାମୀଙ୍କ ଦେହାନ୍ତ ପରେ ପରିବାରର ଉପରେ ଦୁଃଖର ପାହାଡ ଭାଙ୍ଗି ପଡିଛି । ଅସୁରକ୍ଷିତ ଅବସ୍ଥାରେ ଖରା, ବର୍ଷା, ଶୀତକୁ ସହି ଭାଗ୍ୟକୁ ଆଦରି ଭଙ୍ଗାଘରେ ପଡି ରହିଛି ପରିବାର ।
