ନୂଆପଡା : ସିନାପାଲି ଥାନା ସିନାପାଲି ଗ୍ରାମରେ ଅଭାବନୀୟ ଘଟଣା । ଚାଷ ଜମିରେ ଲାଗିଥିବା ନିଆଁକୁ ଲିଭାଇବାକୁ ଯାଇ ଜଣେ ଚାଷୀଙ୍କ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ମୃତ ଚାଷୀଙ୍କ ନାଁ ନିଳାମ୍ବର ମେହେର ବୋଲି ଜଣାପଡିଛି ।
କ୍ଷେତରେ ଲାଗିଥିବା ନିଆଁ ଲିଭାଇବାକୁ ଯାଇ ଚାଷୀ ମୃତ୍ୟୁ ଅଭିଯୋଗ
ମିଳିଥିବା ସୂଚନା ଅନୁସାରେ ସିନାପାଲି ଗ୍ରାମର ନିଳାମ୍ବର ମେହେରଙ୍କ ହାଇସ୍କୁଲ ପଡା ନିକଟସ୍ଥ ଝିକ୍ରିମାଲ ଚାଷ ଜମିର ନାଡ଼ା ଏବଂ ହୁଡାରେ ନିଆଁ ଲାଗି ଯାଇଥିଲା । ତେବେ ନିଆଁକୁ ଲିଭାଇବା ପାଇଁ ଚାଷ ଜମିକୁ ଯାଇଥିଲେ ନିଳାମ୍ବର ମେହେର । ସେଠାରେ ନିଆଁକୁ ଆୟତ୍ତ କରିନପାରି ନିଜେ ନିଆଁରେ ପୋଡି ହୋଇ ତାଙ୍କର ମୃତ୍ୟୁ ହୋଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଏବାବଦରେ ଖବର ପାଇ ସିନାପାଲି ଦମକଳ ବାହୀନି ଓ ସିନାପାଲି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଥିବା ସୂଚନା ମିଳିଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
