ନୂଆପଡା: ପୁଣି ଚିନ୍ତାରେ ଚାଷୀକୂଳ । ନୂଆପଡା ଜିଲ୍ଲା ସିନାପାଲି ଧାନ ମଣ୍ଡିରେ କ୍ଷୁଦ୍ର ଓ ମଧ୍ୟମ ଚାଷୀ ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି । କ୍ଷୁଦ୍ର ଓ ମଧ୍ୟମ ଚାଷୀଙ୍କ ଧାନ ଉଠାଇବା ପାଇଁ ମିଲର ଅନିଚ୍ଛା ପ୍ରକାଶ କରୁଥିବା ବେଳେ, ବଡ ଚାଷୀ ମାନଙ୍କ ଧାନକୁ ଉଠାଉଛି ମିଲର । ଏଭଳି ଅଭିଯୋଗ କରିଛନ୍ତି ସିନାପାଲି ଅଞ୍ଚଳର କ୍ଷୁଦ୍ର ଓ ମାଧ୍ୟମ ଚାଷୀ ।
ମଣ୍ତିରୁ ଉଠୁନି କ୍ଷୁଦ୍ର ଓ ମଧ୍ୟମ ଚାଷୀଙ୍କ ଧାନ
ଚାଷୀ ମାନେ ଚଳିତ ମାସ 25 ତାରିଖରୁ ଧାନ ମଣ୍ଡିରେ ପକାଇଥିବାବେଳେ, ଏଯାଏଁ ବିକ୍ରି ହୋଇ ନଥିବା ଅଭିଯୋଗ କରିଛନ୍ତି । ଏଥିପ୍ରତି ଜିଲ୍ଲା ପ୍ରଶାସନ ତୁରନ୍ତ ଦୃଷ୍ଟି ଦେଇ ଚାଷୀଙ୍କ ସମସ୍ୟାର ସମାଧାନ କରିବାକୁ ଦାବି ହୋଇଛି ।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
