ନୂଆପଡା: ଆସୁଛନ୍ତି ମା’ ଜଗତ ଜନନୀ ଦୁର୍ଗା । ମାଙ୍କ ଆଗମନ ପାଇଁ ଚାରିଆଡେ ଉତ୍ସବର ମାହୋଲ । ମା’ଙ୍କୁ ସ୍ବାଗତ କରିବାକୁ ପ୍ରସ୍ତୁତ ଆରମ୍ଭ କରିଦେଇଛି ନୂଆପଡା । ରବିବାର ଠାରୁ ନବରାତ୍ର ଆରମ୍ଭ ହେଉଥିବାରୁ ପ୍ରସ୍ତୁତି ଜୋରଦାର କରାଯାଇଛି । କାରିଗର ମଧ୍ୟ ମୂର୍ତ୍ତିକୁ ଶେଷ ସ୍ପର୍ଶ ଦେବାରେ ବ୍ୟସ୍ତ । ପ୍ରତିଯୋଗିତା ଭିତ୍ତିରେ ଚାଲିଛି ସାଜସଜ୍ଜା କାମ ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡା
ପ୍ରତିବର୍ଷ ପରି ଏ ବର୍ଷ ମଧ୍ୟ କିଛି ନୂଆ କରିବାକୁ ଚେଷ୍ଟା କରିଛନ୍ତି ଖଡିଆଳର ପଟ୍ଟନାୟକପଡା ପୂଜାକମିଟି କର୍ତ୍ତୃପକ୍ଷ । ଚଳିତ ବର୍ଷ ଗୋଲ୍ଡେନ୍ ଟେମ୍ପୁଲ୍ ତୋରଣରେ ଝଲସିବ ପଟ୍ଟନାୟକପଡା ପୂଜା ମଣ୍ଡପ । ତୋରଣକୁ ଆକର୍ଷଣୀୟ କରିବାକୁ ଲାଗି ପଡିଛନ୍ତି କାରୀଗର । ସେହିପରି ରାଜାପଡା ପୂଜା ମଣ୍ଡପରେ ଚିରାଚରିତ ଢଙ୍ଗରେ ପୂଜା ପାଇବେ ମା’ ଦୁର୍ଗା । ଏଠାରେ ପ୍ରତିବର୍ଷ ମା’ଙ୍କୁ ସୁନା ରୂପା ଅଳଙ୍କାରରେ ସଜ୍ଜିତ କରାଯାଏ । ତେବେ ଦୁର୍ଗାପୂଜାକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ନୂଆପଡାରୁ ମୋତିଲାଲ ବାଗ୍, ଇଟିଭି ଭାରତ
