ନୂଆପଡା: ଖଡ଼ିଆଳ ଟ୍ରାକ୍ଟର ମାଲିକ ମୋହିତ କୁମାର ତାଣ୍ଡିଙ୍କୁ ମରଣାତ୍ମକ ଆକ୍ରମଣ । ଏନେଇ ଖଡ଼ିଆଳ ଥାନାରେ ଅଭିଯୋଗ କରିଛନ୍ତି କୁମାର ତାଣ୍ଡି ।
ଖଡ଼ିଆଳ ଟ୍ରାକ୍ଟର ମାଲିକକୁ ମରଣାତ୍ମକ ଆକ୍ରମଣ, ଘଟଣାର କାରଣ ଅସ୍ପଷ୍ଟ
ସୂଚନାମୁତାବକ ମୋହିତ କୁମାର ତାଣ୍ଡିଙ୍କ ଟ୍ରାକ୍ଟର ନଦୀଘାଟକୁ ବାଲି ଆଣିବାପାଇଁ ଯାଇଥିବା ବେଳେ ସେଠାରେ ଲିଜ ଧାରୀ କିଶୋର କୁମାର ବାଗ ସହିତ ଗଣ୍ଡଗୋଳ ହୋଇଥିଲା । ପରସ୍ପର ମଧ୍ୟରେ କଥା କଟାକଟି ହେବାପରେ ବାଲିଘାଟ ଲିଜଧାରୀ ଟ୍ରାକ୍ଟର ମାଲିକ ମୋହିତ ତାଣ୍ଡିକୁ ମରଣାତ୍ମକ ଆକ୍ରମଣ କରିଥିଲା । ଏଥିରେ ମୋହିତଙ୍କ ମୁଣ୍ଡ ମଧ୍ୟ ଫାଟି ଯାଇଛି । ଘଟଣାର କାରଣ ଏଯାଏ ଅସ୍ପଷ୍ଟ ଥିବାବେଳେ, ଉଭୟେ ଖଡ଼ିଆଳ ଥାନାରେ ହାଜର ହୋଇଛନ୍ତି । ଏପଟେ ଖଡ଼ିଆଳ ପୋଲିସର ତଦନ୍ତ ଜାରି ରହିଛି ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ
