ନୂଆପଡା: ସିନାପାଲି ବ୍ଲକ ନୂତନ ଗୋଷ୍ଠୀ ଶିକ୍ଷା ଅଧିକାରୀ ଚୈତନ୍ୟ କୁମାର ହୋତା ଆନୁଷ୍ଠାନିକ ଭାବରେ କାର୍ଯ୍ୟରେ ଯୋଗଦାନ କରିଛନ୍ତି । ପୂର୍ବରୁ ଖଡ଼ିଆଳ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ଜଗଦୀଶ ପ୍ରସାଦ ଖମାରି ଅତିରିକ୍ତ ଦାୟିତ୍ବ ତୁଲାଇ ଆସିଥିବା ବେଳେ ଗୁରୁବାର ବିଧିବଦ୍ଧ ଭାବରେ ହୋତାଙ୍କୁ ସିନାପାଲି ଗୋଷ୍ଠୀ ଶିକ୍ଷା ଅଧିକାରୀ ଦାୟିତ୍ବ ଅର୍ପଣ କରି ଶୁଭକାମନା ଜଣାଇଛନ୍ତି ।
ସିନାପାଲି BEO ପଦରେ ଦାୟିତ୍ବ ଗ୍ରହଣ କଲେ ଚୈତନ୍ୟ କୁମାର ହୋତା
ଦୀର୍ଘ 2 ବର୍ଷ 4 ମାସ ସିନାପାଲି ଗୋଷ୍ଠୀ ଶିକ୍ଷା ଅଧିକାରୀ ଭାବରେ ଅତିରିକ୍ତ ଦାୟିତ୍ବ ତୁଲାଇ ପ୍ରାଥମିକ ଶିକ୍ଷାକୁ ସାର୍ବଜନୀନ କରିବା ଦିଗରେ ଅନେକ ପଦକ୍ଷେପ ନେଇ ସଫଳତା ପାଇଥିବା ଖମାରି ପ୍ରକାଶ କରିଛନ୍ତି । ଅପରପକ୍ଷେ ନୂତନ ଗୋଷ୍ଠୀ ଶିକ୍ଷା ଅଧିକାରୀ ଭାବରେ କାର୍ଯ୍ୟରେ ଯୋଗ ଦେଇ ଶିକ୍ଷକ, ଶିକ୍ଷୟତ୍ରୀ, ଛାତ୍ରଛାତ୍ରୀ ମାନଙ୍କ ସହ ଉତ୍ତମ ସମ୍ପର୍କ ରଖି ସିନାପାଲି ବ୍ଲକକୁ ଅଗ୍ରଣୀ ଶିକ୍ଷା ବ୍ଲକ ଭାବରେ ଗଠନ କରିବେ ବୋଲି ନୂତନ ବିଇଓ ଚୈତନ୍ୟ କୁମାର ହୋତା ପକହିଛନ୍ତି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
