ନୂଆପଡା: ଜିଲ୍ଲାର ସିନାପାଲି ବ୍ଳକ କାର୍ଯ୍ୟାଳୟ ସଭାଗୃହ ଠାରେ ଗୁରୁବାର ଦିନ ପଞ୍ଚାୟତିରାଜ ଦିବସ ପାଳିତ ହୋଇଯାଇଛି । ସର୍ବ ପ୍ରଥମେ ଓଡ଼ିଶାର ବରପୁତ୍ର ସ୍ବର୍ଗୀୟ ବିଜୁ ପଟ୍ଟନାୟକଙ୍କ ଫଟୋ ଚିତ୍ର ପୂଜା କରିବାପରେ ଏହି ଆୟୋଜିତ ସଭା ଅନୁଷ୍ଠିତ ହୋଇଥିଲା ।
ନୂଆପଡା ଜିଲ୍ଲାରେ ପଞ୍ଚାୟତରାଜ ଦିବସ ପାଳନ
ଏହି ଅବସରରେ ମୁଖ୍ୟ ଅତିଥି ଉଦବୋଧନ ଦେଇ ସିନାପାଲି ବ୍ଳକକୁ ଏକ ଅଗ୍ରଣୀ ବ୍ଳକ ରୂପେ ଗଢିବାପାଇଁ ଆହ୍ବାନ କରିଛନ୍ତି । ଏନେଇ ସମସ୍ତ ସରକାରୀ ଯୋଜନାକୁ ସଫଳ ରୂପାୟନ କରି ସାଧାରଣ ଲୋକଙ୍କ ପାଖକୁ ପହଞ୍ଚାଇବା ପାଇଁ ସମସ୍ତ ବ୍ଳକର କର୍ମଚାରୀ ଏବଂ ପଞ୍ଚାୟତ ଜନ ପ୍ରତିନିଧିମାନଙ୍କୁ ବୁଝାଇଛନ୍ତି ।
ଶେଷରେ ସମସ୍ତ ଜନ କଲ୍ୟାଣକାରୀ ଯୋଜନାରେ ସଫଳ କାର୍ଯ୍ୟ କରି ନୂଆପଡା ଜିଲ୍ଲା ତଥା ସିନାପାଲି ବ୍ଳକର ସୁନାମ ଅର୍ଜନ କରିଥିବା ଅଧିକାରୀ ଏବଂ ହିତାଧିକାରୀ ମାନଙ୍କୁ ଉପଢୋକନ ଦେଇ ପୁରସ୍କୃତ କରାଯାଇଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
