ନୂଆପଡା: ଚଟିଆଗୁଡା ଗାଁ ନିକଟରେ ସଡକ ଦୁର୍ଘଟଣା । ନିରାପଦ ମାତୃତ୍ୟ ପାଇଁ ଗର୍ଭବତୀଙ୍କୁ ସିନାପାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ନେଉଥିବା ବେଳେ ଘଟିଲା ଦୁର୍ଘଟଣା । ଗୁରୁତର ଗର୍ଭବତୀଙ୍କୁ ଉଦ୍ଧାର କଲା ସିନାପାଲି ଦମକଳ ବାହିନୀ ।
ଭାରସାମ୍ୟ ହାରଇ ଓଲଟିଲା ବୋଲେରୋ, ଗୁରୁତର ଗର୍ଭବତୀ ଉଦ୍ଧାର
ସୂଚନା ଅନୁସାରେ, ସିନାପାଲି ବ୍ଲକ ଗୋବିନ୍ଦପୁର ମାଲପଡା ଗାଁର ଦୟାନିଧି ବାଗଙ୍କ ସ୍ତ୍ରୀ ସୁମିତ୍ରା ବାଗ ଆଶାକର୍ମୀ ଇନ୍ଦୁମତି କଟାଙ୍କ ସାହାଯ୍ୟରେ ଏକ ବୋଲେରୋ ଗାଡ଼ିରେ ସିନାପାଲି ଗୋଷ୍ଠୀସ୍ବାସ୍ଥ୍ୟ କେନ୍ଦ୍ର ଯାଉଥିଲେ । ଚଟିଆଗୁଡା ଗାଁ ଠାରେ ବିପରୀତ ଦିଗରୁ ଏକ ସାଇକଲ ଆରୋହି ଆସୁଥିଲେ । ତାକୁ ଦୁର୍ଘଟଣାରୁ ବଞ୍ଚାଇବାକୁ ଯାଇ ବୋଲେରୋ ଡ୍ରାଇଭର ଭାରସାମ୍ୟ ହରାଇ ଦେଇଥିଲେ । ଫଳରେ ବୋଲେରୋ ଓଲଟି ପଡିଥିଲା ।
ଖବର ପାଇ ସିନାପାଲି ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଗର୍ଭବତୀଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ସିନାପାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛି ।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
