ନୂଆପଡା: ଖଡିଆଳରେ ଭାରତ ବନ୍ଦର ପ୍ରଭାବ । ସମସ୍ତ ଦୋକାନ ବଜାର, ଗାଡି ମୋଟର ସହ ଚକଅଖ ଠପ ହୋଇପଡିଛି । ଫଳରେ ସାଧାରଣ ଜନ ଜୀବନ ନାହିଁ ନଥିବା ସମସ୍ୟାର ସମ୍ମୁଖୀନ ହୋଇଛନ୍ତି । ସିଏଏ, ଏନଆରସି ପ୍ରତ୍ୟାହାର ଦାବିରେ ଆଜି ଆମ୍ବେଦକର ଆର୍ମି ନୂଆପଡା ଜିଲ୍ଲା ଖଡିଆଳ ଶାଖା ପକ୍ଷରୁ ଏହି ବନ୍ଦ ପାଳନ କରାଯାଉଛି ।
ନୂଆପଡାରେ ଚକଅଖ ଠପ
ଏହା ସହ ଅନୁସୂଚିତ ଜାତି ଓ ଜନଜାତିଙ୍କ ଆରକ୍ଷଣ ଛଡାଇ ନେବାକୁ କେନ୍ଦ୍ର ସରକାର ଚକ୍ରାନ୍ତ କରୁଥିବା ଆନ୍ଦୋଳନକାରୀମାନେ ଅଭିଯୋଗ କରିଛନ୍ତି । ଚଳିତ ମାସ ଫେବୃୟାରୀ 7ରେ ମାନ୍ୟବର ସୁପ୍ରିମକୋର୍ଟ ଦେଇଥିବା ରାୟକୁ କଡାକଡି ଭାବରେ ବିରୋଧ କରିଛନ୍ତି । ଏନେଇ ବିକ୍ଷୋଭକାରୀଙ୍କ ସହ ସିଧାସଳଖ ଆଲୋଚନା କରିଛନ୍ତି ଆମ ନୂଆପଡା ପ୍ରତିନିଧି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
