ନୟାଗଡ଼ : କୋରୋନା ମହାମାରୀ ଭୟାବହତା କାରଣରୁ ମୃତଦେହକୁ ଛୁଁ ନାହାଁନ୍ତି ସମ୍ପର୍କୀୟ । ଶେଷରେ ଅନେକ ଏନଜିଓ ଓ ସରକାରୀ କର୍ମଚାରୀ ଆଗେଇ ଆସୁଛନ୍ତି ଅନ୍ତିମ ସଂସ୍କାର କରିବାକୁ । ଏହି କ୍ରମରେ ଜିଲ୍ଲାର ଏକ ସ୍ବେଚ୍ଛାସେବୀ ସଂଗଠନ ‘ଅନନ୍ୟା’ ଆଗେଇ ଆସିଛି । କୋରୋନା ଡରରେ ଲୋକେ ଅନ୍ତିମ ସଂସ୍କାର କରିବାକୁ ଆସିଲେନି ତେଣୁ ବାଇକ ଯୋଗେ ସଂଗଠନର ସଦସ୍ୟ ଶ୍ମଶାନ ଯାଏଁ ନେଇ ଆସିଥିଲେ ।
ନୟାଗଡ଼ ଉପକଣ୍ଠ ଘଡୁଆଳ ଗ୍ରାମର ଦୋଇତ ଦେଈ ନାମୀ ଜଣେ ମହିଳା କିଛି ଦିନ ଜରରେ ଆକ୍ରାନ୍ତ ହୋଇଥିଲେ ପରେ ସୁସ୍ଥ ହୋଇଥିଲେ ମଧ୍ୟ । କିନ୍ତୁ ଶୁକ୍ରବାର ରାତିରେ ତାଙ୍କର ହଠାତ୍ ମୃତ୍ୟୁ ହୋଇଥିଲା । ଗ୍ରାମବାସୀମାନେ କୋରୋନାରେ ମୃତ୍ୟୁ ହୋଇଥିବା ସନ୍ଦେହରେ ମୃତଦେହ ଅନ୍ତି ସଂସ୍କାର କରିନଥିଲେ । କିମ୍ବା କୌଣସି ବନ୍ଧୁ ବାନ୍ଧବ ବି ଆସିନଥିଲେ ।
ଶନିବାର ସକାଳୁ ଅନନ୍ୟା ଫାଉଣ୍ଡେସନର ସଦସ୍ୟ ଆଶୁତୋଷ ଦାସ, ସନ୍ତୋଷ ପ୍ରଧାନ ଖବର ପାଇ ତାଙ୍କ ଘରେ ପହଞ୍ଚିଥିଲେ । ବାଇକ ଯୋଗେ ସଂଗଠନର ସଦସ୍ୟ ଗାଁରୁ ମୃତଦେହକୁ ଶ୍ମଶାନକୁ ନେଇଥିଲେ ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
