ନୟାଗଡ଼: ବିଦ୍ୟାଳୟ ମିଶ୍ରଣକୁ ବିରୋଧ କରି ରାସ୍ତା ଅବରୋଧ କଲେ ଛାତ୍ରଛାତ୍ରୀ ଏବଂ ଅଭିଭାବକ । ନୟାଗଡ଼ ଜିଲ୍ଲା ଖଣ୍ଡପଡା ବ୍ଲକ ପଥୁରିଆ ଗାଁର ଅଭିଭାବକ ଏବଂ ଛାତ୍ରଛାତ୍ରୀ ପଥୁରିଆ ଖଣ୍ଡପଡା ରାସ୍ତାକୁ ଅବରୋଧ କରି ରଖିଛନ୍ତି । ସେମାନଙ୍କ ଅଭିଯୋଗ ହେଉଛି, ପଥୁରିଆ ଗାଁର ରାମଚଣ୍ଡୀ ପ୍ରାଥମିକ ବିଦ୍ୟାଳୟରେ ଛାତ୍ରଛାତ୍ରୀ ସଂଖ୍ୟା ଠିକ ଥିଲେ ମଧ୍ୟ 2 କିଲୋମିଟର ଦୂରତାରେ ଥିବା ଅନ୍ୟ ଏକ ବିଦ୍ୟାଳୟ ସହ ଏହି ପ୍ରାଥମିକ ବିଦ୍ୟାଳୟର ମିଶ୍ରଣ କରିଛି ଜିଲ୍ଲା ଶିକ୍ଷା ବିଭାଗ ।
ବିଦ୍ୟାଳୟ ମିଶ୍ରଣକୁ ବିରୋଧ: ରାସ୍ତା ଅବରୋଧ କଲେ ଛାତ୍ର ଛାତ୍ରୀ ଓ ଅଭିଭାବକ
ତେବେ ଏନେଇ ଗ୍ରାମବାସୀ ମାନେ ଉଚ୍ଚ ନ୍ୟାୟାଳୟଙ୍କ ଦ୍ବାରସ୍ଥ ହୋଇଥିଲେ । ତେବେ ଉଚ୍ଚ ନ୍ୟାୟାଳୟ ବିଦ୍ୟାଳୟ ମିଶ୍ରଣ ପ୍ରକ୍ରିୟାକୁ ସ୍ଥଗିତ ରଖିବାକୁ ନିର୍ଦ୍ଦେଶ ଦେଇଥିବା ବେଳେ ଶିକ୍ଷା ବିଭାଗ ନ୍ୟାୟାଳୟଙ୍କ ନିର୍ଦ୍ଦେଶକୁ ମାନୁନଥିବା ଅଭିଯୋଗ କରି ପ୍ରତିବାଦରେ ରାସ୍ତା ଅବରୋଧ କରିଛନ୍ତି ଛାତ୍ରଛାତ୍ରୀ ଏବଂ ଅଭିଭାବକ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
