ନୟାଗଡ଼: ବହୁଚର୍ଚ୍ଚିତ ନାବାଳିକା ଦୁଷ୍କର୍ମ ଓ ହତ୍ୟା ମାମଲା । ଆଜି(ଗୁରୁବାର) ସନ୍ଦେହୀ ପୋଖରୀକୁ ଯାଇ ସିନ ରିକ୍ରିଏସନ କରିବା ସହ ଏସଆଇଟିକୁ ଡେମୋ ଦେଖାଉଛି ଅଭିଯୁକ୍ତ ସରୋଜ ସେଠୀ ।
ପୋଖରୀକୁ ଯାଇ ସିନ ରିକ୍ରିଏସନ କଲା ଏସଆଇଟି
ସରୋଜକୁ ଧରି ଏସଆଇଟି ନାବାଳିକାର ଗାଁ ନୟାଗଡର ଯଦୁପୁରରେ ପହଞ୍ଚିଥିଲା । କେମିତି ସେଦିନ ପରୀକୁ ହତ୍ୟା କରିଥିଲା, ତାହାର ପୂରା ଘଟଣା ପୁଣିଥରେ ରିକ୍ରିଏଟ୍ କରିଛି ଏସଆଇଟି ଟିମ । ନାବାଳିକା ହତ୍ୟାଦିନ କେମିତି ପରୀ ସହ ସେ ଘଟାଇଥିଲା ବର୍ବର କାଣ୍ଡ । ସେନେଇ ତଦନ୍ତକାରୀ ଟିମ ଏସଆଇଟିକୁ ଡେମୋ ଦେଖାଇଛି ।
ସୂଚନା ଅନୁସାରେ, ଆଜି(ଗୁରୁବାର) ସରୋଜର 3ଦିନିଆ ରିମାଣ୍ଡ ଅବଧି ଶେଷ ହେଉଛି । ତାପୂର୍ବରୁ ସରୋଜକୁ ଘଟଣାସ୍ଥଳକୁ ଆଣି କ୍ରାଇମ ସିନ ରିକ୍ରିଏଟ କରିଛି ଏସଆଇଟି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
