ନୟାଗଡ: ଗଣିଆରେ ଅଘୋଷିତ ବିଦ୍ୟୁତ କାଟକୁ ନେଇ ରାସ୍ତାରୋକ । ଗତ 3 ଦିନ ମଧ୍ୟରେ 30 ଘଣ୍ଟାରୁ ଅଧିକ ସମୟ ଲାଇନ କଟିବା ଯୋଗୁଁ ଅସନ୍ତୋଷ ଦେଖିବାକୁ ମିଳିଛି l ଗଣିଆ କଣ୍ଟିଲୋ ମୁଖ୍ୟ ରାସ୍ତାକୁ ଶତାଧିକ ଲୋକେ ଅବରୋଧ କରି ପ୍ରତିବାଦ ଜଣାଇଥିଲେ l 1 ଘଣ୍ଟାରୁ ଅଧିକ ସମୟ ରାସ୍ତାରୋକ ହୋଇଥିଲା l ରାସ୍ତାର ଉଭୟ ପାର୍ଶ୍ବରେ ଗାଡ଼ିମୋଟର ଅଟକି ରହିଥିଲା l
ଗଣିଆରେ ଅଘୋଷିତ ବିଦ୍ୟୁତ କାଟକୁ ନେଇ ରାସ୍ତାରୋକ
ଗଣିଆ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଆନ୍ଦୋଳନକାରୀଙ୍କୁ ବୁଝାସୁଝା କରିଥିଲେ l ପରେ ଆନ୍ଦୋଳନକାରୀମାନେ ଆନ୍ଦୋଳନ ପ୍ରତ୍ୟାହୃତ କରିଥିଲେ l ଆଗାମୀ ଦିନରେ ପୁଣି ଯଦି ଅଘୋଷିତ ବିଦ୍ୟୁତ କାଟ କରାଯାଏ ତେବେ କାର୍ଯ୍ୟାଳୟରେ ତାଲା ପକାଯିବ ବୋଲି ଚେତାବନୀ ଦିଆଯାଇଛି ।
ନୟାଗଡରୁ ଜୟେନ୍ଦ୍ର ବେହେରା,ଇଟିଭି ଭାରତ
